ಅಶ್ವಿನಿ, ಭರಣಿ, ಕೃತ್ತಿಕ 1 ಮನೋವೇದನೆ. ಸಮೀಪವರ್ತಿಗಳ ಉದ್ದೇಶಗಳ ಬಗ್ಗೆ ಶಂಕೆ, ತುರ್ತು ಸಮಸ್ಯೆಗಳ ಪರಿಶೀಲನೆ, ಶುಭ ಕಾರ್‍ಯಗಳ ನಿರ್ವಹಣೆ ಮುಂದೂಡಿಕೆ ಅನಿವಾರ್‍ಯ, ವೈವಾಹಿಕ ಮಾತುಕತೆಗಳಲ್ಲಿ ಬಿಗಿ ನಿಲುವು, ಸಾಮಾಜಿಕ ಬದುಕಿನಲ್ಲಿ ನಿಷ್ಠುರ.

ಕೃತ್ತಿಕ 2-3-4, ರೋಹಿಣಿ, ಮೃಗಶಿರ 1-2 ಹಣದ ಕೊರತೆಯಿಂದ ಗೃಹದಲ್ಲಿ ಭಿನ್ನಾಭಿಪ್ರಾಯ, ಹಿರಿಯ ಮಿತ್ರರ ಮುಖಾಂತರ ದ್ರವ್ಯಾನುಕೂಲ. ಅವೇಳೆ ಭೋಜನದಿಂದ ಆರೋಗ್ಯ ಹಾನಿ, ಸಾಲ ಮರುಪಾವತಿ ಬಗ್ಗೆ ಅತೀವ ಕಳವಳ, ಮಾನಸಿಕ ನೆಮ್ಮದಿ, ವೃತ್ತಿಯಲ್ಲಿ ಹೆಚ್ಚುವರಿ ವರಮಾನ.

ಮೃಗಶಿರ 3-4, ಆರಿದ್ರಾ, ಪುನರ್ವಸು 1-2-3 ಕೈಗೊಂಡ ಕಾರ್‍ಯಗಳು ಕಲಸು ಮೇಲೋಗರ, ಅಪರಿಚಿತರ ಮೂಲಕ ಸಾಲ ಪಡೆಯುವ ಪ್ರಮೇಯ, ಬೌದ್ಧಿಕ ಚಟುವಟಿಕೆಗಳಲ್ಲಿ ಪಿತೃ ವರ್ಗ ಸಹಕಾರ, ನೆಂಟರ ಆಶ್ವಾಸನೆಗಳಿಂದ ಹುಮ್ಮಸ್ಸು, ವೈವಾಹಿಕ ವ್ಯವಹಾರಗಳಲ್ಲಿ ಅನಿಶ್ಚಿತತೆ ಮುಂದುವರಿಕೆ.

ಪುನರ್ವಸು 4, ಪುಷ್ಯಮಿ, ಆಶ್ಲೇಷ ತುರ್ತು ಕಾರ್‍ಯಕ್ರಮಗಳನ್ನು ಮುಂದೂಡುವಿರಿ. ಎಡಬಿಡದ ತಿರುಗಾಟದಿಂದ ಬಳಲಿಕೆ, ಗೃಹದಲ್ಲಿ ಗೊಂದಲಮಯ ವಾತಾವರಣ, ಕೊಂಚ ಧನ ಲಾಭ, ಗೃಹ ನಿರ್ಮಾಣ ಕಾರ್‍ಯ ಜಡತೆಯಿಂದ ಮುಂದೂಡಿಕೆ, ಔದ್ಯೋಗಿಕ ವ್ಯವಹಾರಗಳಲ್ಲಿ ಕಸಿವಿಸಿ, ವರಿಷ್ಠರ ಆಗಮನ.

ಮಖ, ಪುಬ್ಬ, ಉತ್ತರಾ 1 ಅಧ್ಯಯನಕ್ಕೆ ಸೂಕ್ತ ಅವಕಾಶಗಳು, ನೆಂಟರ ವಚನ ಪಾಲನೆಯಿಂದ ಮಾನಸಿಕ ಸಂತುಷ್ಟಿ, ವಾಹನ ವಹಿವಾಟುಗಳಲ್ಲಿ ಪಿತೃ ವರ್ಗ ಸಹಕಾರ, ಪಿತೃವರ್ಗದವರ ಸತ್ಕಾರ್‍ಯಗಳಲ್ಲಿ ಸಕ್ರಿಯ ಪಾತ್ರ, ಬರವಣಿಗೆಯಿಂದ ಅತ್ಯಲ್ಪ ವರಮಾನ, ದೈವಕಾರ್‍ಯಗಳ ನಿರ್ವಹಣೆ, ಸಹೋದರರ ಭೇಟಿ, ಧನಾಗಮ.

ಉತ್ತರಾ 2-3-4, ಹಸ್ತ, ಚಿತ್ತಾ 1-2 ಕ್ಲಿಷ್ಟ ಸಮಸ್ಯೆಗಳ ಪರಿಹಾರ, ಪಿತೃವರ್ಗ ಸಂಕಷ್ಟದಿಂದ ಖಿನ್ನತೆ, ಪುಣ್ಯಕ್ಷೇತ್ರಗಳ ದರ್ಶನ ಮುಂದೂಡಿಕೆ, ಧನಾಗಮದಲ್ಲಿ ಏರುಪೇರುಗಳಿಂದ ತುರ್ತು ಗೃಹ ಸಮಸ್ಯೆಗಳ ಮುಂದೂಡಿಕೆ, ದುಂದು ವೆಚ್ಚದಿಂದ ಹಿರಿಯರೊಡನೆ ಮನಸ್ತಾಪ, ಪ್ರಯಾಣಕ್ಕೆ ಅಡಚಣೆಗಳು.

ಚಿತ್ತಾ 3-4, ಸ್ವಾತಿ, ವಿಶಾಖ 1-2-3 ಗೃಹ ಸಮಸ್ಯೆಗಳು ನಿರಾತಂಕವಾಗಿ ಬಗೆಹರಿಯುತ್ತವೆ. ದ್ರವ್ಯಾಗಮನ, ಸತ್ಕಾರ ಕೂಟಗಳಿಗೆ ಆಮಂತ್ರಣ, ಮತ್ಸರಗ್ರಸ್ತ ನೆಂಟರ ಕಿತಾಪತಿಯಿಂದ ಸ್ವತ್ತು ವ್ಯವಹಾರಗಳು ಬಿಡಿಸಲಾಗದ ಕಗ್ಗಂಟು, ಸಮಾಜ ಸೇವೆಯಲ್ಲಿ ಪ್ರಭಾವೀ ವ್ಯಕ್ತಿಗಳ ಉತ್ತೇಜನ, ಜ್ವರದಿಂದ ಸಂಚಾರ ರದ್ದು, ಪುಷ್ಕಳ ಭೋಜನ.

ವಿಶಾಖ 4, ಅನೂರಾಧ, ಜ್ಯೇಷ್ಠ ವೈವಾಹಿಕ ವ್ಯವಹಾರಗಳಲ್ಲಿ ಶುಭ ಸೂಚನೆ ಗಳು ಕಂಡು ಬರುತ್ತವೆ. ಅಧಿಕ ಸುತ್ತಾಟ, ತುರ್ತು ಕಾರ್‍ಯಕ್ರಮಗಳಲ್ಲಿ ಚುರುಕುತನ, ಹೆಚ್ಚುವರಿ ಆದಾಯ, ಖಟ್ಲೆಗಳ ಮುಂದೂಡಿಕೆ, ಒಡಹುಟ್ಟಿದವರೊಡನೆ ಮಾತಿನ ಚಕಮಕಿ, ವಾಹನ ಸೌಖ್ಯ.

ಮೂಲ, ಪೂರ್ವಾಷಾಢ, ಉತ್ತರಾಷಾಢ 1 ದುಂದು ವೆಚ್ಚಕ್ಕೆ ಕಡಿವಾಣ, ಪುತ್ರ ವರ್ಗದವರ ಸತ್ಕಾರ್‍ಯಗಳಲ್ಲಿ ಮುಂಚೂಣಿ ಪಾತ್ರ, ಹಲವು ತೊಡಕುಗಳಿಂದ ತೀರ್ಥಯಾತ್ರೆ ಮುಂದೂಡಿಕೆ, ಸ್ವತ್ತು ವಿವಾದಗಳಲ್ಲಿ ಸಜ್ಜನರ ಸಲಹೆಗಳು, ಗಣ್ಯರ ಭೇಟಿ ಲಾಭದಾಯಕ, ಹಿರಿಯ ಸಹೋದರರ ಅಸಹಾಯಕತೆ.

ಉತ್ತರಾಷಾಢ 2-3-4, ಶ್ರವಣ, ಧನಿಷ್ಠ 1-2 ಅನಗತ್ಯ ವಿವಾದಗಳು ತಲೆದೋರುತ್ತವೆ. ಸಂಕಲ್ಪಿತ ಕಾರ್‍ಯಗಳ ಮುಂದೂಡಿಕೆ, ಒಡಹುಟ್ಟಿದವರ ಸೌಲಭ್ಯಗಳಿಗೆ ಅಪರಿಮಿತ ವೆಚ್ಚ, ಸಂಶೋಧನೆಯಲ್ಲಿ ಕುಂಠಿತ ಪ್ರಗತಿ, ಪಿತೃ ಸಹಕಾರದಿಂದ ಪ್ರಮುಖ ಸಮಸ್ಯೆಗಳು ಪರಿಹಾರ, ದೈವಕಾರ್‍ಯಗಳಲ್ಲಿ ಅಪಾರ ಉತ್ಸಾಹ.

ಧನಿಷ್ಠ 3-4, ಶತಭಿಷ, ಪೂರ್ವಾಭಾದ್ರ 1-2-3 ಮನೋಲ್ಲಾಸ, ಕುಟುಂಬ ವ್ಯವಹಾರಗಳಲ್ಲಿ ಕೊಂಚ ಕಸಿವಿಸಿ, ನಷ್ಟ ಹೊಂದುವ ಸಂಭವ, ವೈವಾಹಿಕ ಮಾತುಕತೆಗಳಲ್ಲಿ ನೇರ ನುಡಿಗೆ ಅವಕಾಶಗಳು ವಿರಳ, ವಾತಾಧಿಕ್ಯದಿಂದ ವೈಯಕ್ತಿಕ ಕಾರ್‍ಯಕ್ರಮಗಳು ಸ್ಥಗಿತ, ಪುತ್ರರಿಗೆ ಹಿತೈಷಿ ಮೂಲಕ ಉತ್ತಮ ಉದ್ಯೋಗ ಅವಕಾಶಗಳು.

ಪೂರ್ವಾಭಾದ್ರ 4, ಉತ್ತರಾಭಾದ್ರ, ರೇವತಿ ಆರೋಗ್ಯದಲ್ಲಿ ಗಣನೀಯ ಸುಧಾರಣೆ, ಹೆಚ್ಚುವರಿ ಆದಾಯ ಸತ್ಕಾರ್‍ಯಗಳಿಗೆ ವಿನಿಯೋಗ, ನೆಂಟರ ಸಂಪರ್ಕದಿಂದ ನೆನೆಗುದಿಗೆ ಬಿದ್ದಿದ್ದ ಕಾರ್‍ಯಗಳಿಗೆ ಮರು ಚಾಲನೆ, ಮಿತ್ರ ನೆರವಿನಿಂದ ಸಾಲ ಮರುಪಾವತಿ, ಸಂತರೊಡನೆ ಆಧ್ಯಾತ್ಮಿಕ ವಿಷಯಗಳ ಚರ್ಚೆ, ಸುಖ ಭೋಜನ, ಪ್ರಯಾಣದಲ್ಲಿ ಎಚ್ಚರ.