ಗುರುವಾರ ಬೆಳಿಗ್ಗೆ 8.30ಕ್ಕೆ ಕೊನೆಗೊಂಡಂತೆ 24 ಗಂಟೆಗಳ ಅವಧಿಯಲ್ಲಿ ಉತ್ತರ ಒಳನಾಡಿನಲ್ಲಿ ಮುಂಗಾರು ಚುರುಕಾಗಿದ್ದು, ದಕ್ಷಿಣ ಒಳನಾಡು ಹಾಗೂ ಕರಾವಳಿ ಪ್ರದೇಶದ ಹಲವೆಡೆ ಸಾಧಾರಣ ಮಳೆಯಾಗಿದೆ.

ಹವಾಮಾನ ಮುನ್ನೋಟ : ಮಳೆ ವಿವರ: ಆಳಂದದಲ್ಲಿ ಅತ್ಯಧಿಕ 5 ಸೆಂ.ಮೀ. ಮಳೆ ಬಿದ್ದಿದೆ. ಭಾಗಮಂಡಲದಲ್ಲಿ 4, ಸುಬ್ರಹ್ಮಣ್ಯದಲ್ಲಿ 3, ಜಮಖಂಡಿ, ಬಾದಾಮಿ, ಸವದತ್ತಿ, ಕಲಘಟಗಿ, ಗದಗ, ಮುಂಡರಗಿಯಲ್ಲಿ ತಲಾ 2, ಧಾರವಾಡ, ಅಥಣಿ, ನರಗುಂದ, ನಾರಾಯಣಪುರ, ಶ್ರವಣಬೆಳಗೋಳ, ಬೆಂಗಳೂರು ನಗರ, ಚಿಕ್ಕಮಗಳೂರಿನಲ್ಲಿ ತಲಾ 1 ಸೆಂ.ಮೀ. ಮಳೆಯಾಗಿದೆ.

ಮುಂದಿನ 2 ದಿನಗಳ ಸೂಚನೆ : ಮುಂದಿನ 24 ಗಂಟೆಗಳಲ್ಲಿ ರಾಜ್ಯದ ಒಳನಾಡು ಹಾಗೂ ಕರಾವಳಿ ಪ್ರದೇಶದ ಬಹುತೇಕ ಕಡೆ ಮಳೆ ಬೀಳುವ ಸಂಭವ ಇದೆ ಎಂದು ಹವಾಮಾನ ಇಲಾಖೆ ಮುನ್ಸೂಚನೆ ನೀಡಿದೆ.