ಶ್ರೀನಗರ (ಪಿಟಿಐ): ಪುತ್ರನ ಅನಾರೋಗ್ಯದ ಹಿನ್ನೆಲೆಯಲ್ಲಿ ಪಾಕಿಸ್ತಾನಕ್ಕೆ ಭೇಟಿ ನೀಡಲು ಪ್ರತ್ಯೇಕವಾದಿ ಸಂಘಟನೆ ನಾಯಕ ಸಯೀದ್ ಅಲಿ ಶಾ ಗಿಲಾನಿಗೆ ಭಾರತ ಸರ್ಕಾರ ಶುಕ್ರವಾರ ಪಾರ್ಸ್‌ಪೋರ್ಟ್ ನೀಡಿದೆ.79ರ ವಯೋಮಾನದ ಗಿಲಾನಿಯನ್ನು ಇತ್ತೀಚೆಗಷ್ಟೆ ಬಂಧಮುಕ್ತಗೊಳಿಸಲಾಗಿದೆ.

ಜಮ್ಮು-ಕಾಶ್ಮೀರ ಮುಖ್ಯಮಂತ್ರಿ ಒಮರ್ ಅಬ್ದುಲ್ಲಾ ಅವರು ಪಾರ್ಸ್‌ಪೋರ್ಟ್ ನೀಡಲು ಮಧ್ಯಸ್ಥಿಕೆ ವಹಿಸಿದ್ದರು.ಜಮಾತ್ ಸಂಘಟನೆ ಮುಖ್ಯಸ್ಥ ಗಿಲಾನಿಯನ್ನು ದೇಶ ವಿರೋಧಿ ಕೃತ್ಯಕ್ಕಾಗಿ 1981ರಲ್ಲಿ ಬಂಧಿಸಲಾಗಿತ್ತು. 2006ರಲ್ಲಿ ಹಜ್ ಯಾತ್ರೆಗೆ ಅವಕಾಶ ನೀಡಲಾಗಿತ್ತು.