ಪಿಕ್ಚರ್ ಪ್ಯಾಲೇಸ್‌: ನೀನಾರಿಗಲ್ಲದವಳು...

ಶಿಶುನಾಳ ಶರೀಫಜ್ಜನ ತತ್ವಪದದಂತೆ ನೀನಾರಿಗಲ್ಲದವಳು ಬಿದಿರು ಎಂಬುದರ ದರ್ಶನವೇ ಇಲ್ಲಿದೆ. ಹುಟ್ಟಿದ ಹಸುಗೂಸನ್ನು ಇಡುವ ಮೊರ, ಬಾಗಿನ ನೀಡುವ ಮೊರದಿಂದ ಆರಂಭವಾಗಿ, ರೊಟ್ಟಿಬುಟ್ಟಿ, ತರಕಾರಿ ಬುಟ್ಟಿ, ಕೋಳಿಮಂಕರಿ, ಹೂಬುಟ್ಟಿ ಬದುಕಿನ ಬುತ್ತಿಯನ್ನೇ ಮುಚ್ಚಟೆಯಿಂದ ಕಾದಿಡುವ ವಿವಿಧ ಬುಟ್ಟಿಗಳು. ಜೀವನದ ಜಾತ್ರೆಯಲ್ಲಿ ಮೇಲೇರಲು ಏಣಿಗಳು, ಆಲಂಕಾರಿಕ ವಸ್ತುವೈವಿಧ್ಯಗಳೊಂದಿಗೆ ಮೈಮನ ಹಗುರಗೊಳಿಸುವ ಚಾಪೆ, ಕರ್ಟನ್‌ಗಳು. ಮಳೆಗಾಲದಲ್ಲಿ ಹಿತವೆನಿಸುವ ಕಳಲೆ ಸಾರು, ಉಪ್ಪಿನಕಾಯಿಗೂ ಬಿದಿರು. ಸತ್ತರೆ ಚಟ್ಟಕ್ಕೂ ಬೇಕು. ಹುಟ್ಟಿನಿಂದಾರಂಭಿಸಿ, ಚಿರನಿದ್ರೆಯ ತನಕ ಜೊತೆಗಿರುವ ಬಿದಿರಿನ ಲೋಕದ ಸುಂದರ ಚಿತ್ರಗಳನ್ನು ಸೆರೆ ಹಿಡಿದವರು ಪ್ರಜಾವಾಣಿಯ ಫೋಟೊ ಜರ್ನಲಿಸ್ಟ್‌ ಎಂ.ಎಸ್‌. ಮಂಜುನಾಥ್.