ಹೆಣ್ಣು ಜೋಗುಳಗಳು

ಜೋ ಜೋ ಶಾರದೆ ಬ್ರಹ್ಮನರಾಣಿ
ಜೋ ಜೋ ಮಂಗಳೆ ಕಲಕೀರವಾಣಿ
ಜೋ ಜೋ ವೀಣಾ ಪುಸ್ತಕಪಾಣಿ
ಜೋ ಜೋ ಸುಪ್ರಪ್ರವೀಣೆ ಕಲ್ಯಾಣಿ ||ಜೋ ಜೋ||

ನಲವಿನಿಂದಲಿ ವಿದ್ಯೆನಿಲಯದಿ ನಿಂದು
ಒಲಿದೆಮ್ಮ ಹರಸು ನೀನೆಲೆ ಗುಣಸಿಂಧು
ನೆಲೆಯಾಗಿರಮ್ಮ ನೀ ರಸನೆಯೊಳಿಂದು
ಶಿರಬಾಗಿ ನಮಿಪೆವು ನಾವು ಎಂದೆಂದು ||ಜೋಜೋ|

ಮಕ್ಕಳ ಮೇಲತಿ ಪ್ರಿಯಳಾದ ಬಾಲೇ
ತಕ್ಕ ವಿದ್ಯೆಯನಿತ್ತು ಪೊರೆಯಸು ಶೀಲೇ
ಸಕ್ಕರೆಯಂದದಿ ರಸನೆಯ ಮೇಲೆ
ತಕ್ಕ ಥೈಯೆನ್ನುತ್ತ ಕುಣಿಗುಣಮಾಲೆ ||ಜೋಜೋ|

ನಂಬಿದ ಭುಕುತರ ಪೊರೆವ ಪ್ರವೀಣೆ
ಬೆಂಬಿಡದೆಮ್ಮನು ಪಾಲಿಸೆ ಜಾಣೆ
ತುಂಬುರಗಾನದಿ ನಿನಗೆಣೆಕಾಣೆ
ತುಂಬಿ ಸಂತೋಷವ ಕರುಣಿಸೆ ನೀನೇ ||ಜೋಜೋ||