ಮೊದಲ ಓದು | ಡಾಕ್ಟರ್‌ ಹೆಂಡತಿ - ವೈದ್ಯರ ಕುಟುಂಬದ ಅನನ್ಯ ಕಥನ
ವೈದ್ಯರದ್ದು ಚಿಕಿತ್ಸೆ ನೀಡುವ ಕಾಯಕವಲ್ಲವೇ? ವೈದ್ಯರ ಬದುಕಿನಲ್ಲಿ ಒಂದಾಗಿ ಆ ಬದುಕನ್ನು ಚಿಕಿತ್ಸಕ ದೃಷ್ಟಿಯಿಂದ ನೋಡಿದ್ದಾರೆ ಲೇಖಕಿ. 1980ರ ದಶಕದ ವೈದ್ಯರ ಸೇವಾ ಚಿತ್ರಣ, ಗ್ರಾಮ ಭಾರತದ ಆರೋಗ್ಯ ಕ್ಷೇತ್ರದ ಕಥೆಗಳು ಇಲ್ಲಿವೆ. ಸರ್ಕಾರಿ ವೈದ್ಯರ ಕುಟುಂಬವೂ ಆ ವೃತ್ತಿಯ ಭಾಗವಾಗಿಯೇ ಆಯಾ ಹಳ್ಳಿಯಲ್ಲಿ ಬೆರೆತುಬಿಡುತ್ತಿತ್ತು. ಬಂಧುತ್ವ ಬೆಳೆಯುತ್ತಿತ್ತು.
ಬಂಕಾಪುರಕ್ಕೆ ಹೋಗಬೇಕಾದ ಸಂದರ್ಭ ಹಾಗೂ ಹೋದ ಮೊದಲ ದಿನವೇ ಅನುಭವಿಸಿದ ಕಸಿವಿಸಿಯನ್ನು ಸೊಗಸಾಗಿ ನಿರೂಪಿಸಲಾಗಿದೆ. ವೈದ್ಯನಾದವನು ಬೆಳ್ಳಂಬೆಳಗ್ಗೆಯೇ ಹೆಣ ನೋಡಬೇಕಾದ, ಪೋಸ್ಟ್‌ ಮಾರ್ಟಂ ಮಾಡಬೇಕಾದ ಸನ್ನಿವೇಶ ಎದುರಿಸುವುದು, ಆ ಹೊತ್ತಿನಲ್ಲಿ ಅವರ ಕುಟುಂಬದವರ ತಳಮಳ ಅನುಭವಿಸುವುದು – ಈ ವಿವರಗಳು ಮೊದಲ ಕಥೆಯಲ್ಲೇ ರಸವತ್ತಾಗಿ ಮೂಡಿಬಂದಿವೆ. ಹಲವು ಅನುಭವದ ಮೂಟೆಗಳೇ ಇಲ್ಲಿವೆ. ವೈದ್ಯರ ಕುಟುಂಬದ ಕಾಳಜಿಯ ಮುಖ ತಿಳಿಯಬೇಕೆನ್ನುವವರು ಓದಬಹುದಾದ ಕೃತಿ.
ಕೃತಿ: ಡಾಕ್ಟರ್‌ ಹೆಂಡತಿ
ಲೇ: ಸರೋಜಿನಿ ಪಡಸಲಗಿ
ಪ್ರ: ಬಹುರೂಪಿ ಪ‍್ರಕಾಶನ ಬೆಂಗಳೂರು
ಸಂಪರ್ಕ: 70191 82729
ಪುಟಗಳು: 144
ಬೆಲೆ: 180
ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.