₹605 ಕೋಟಿ ತೆರಿಗೆ: ಹೀರೊ ಮೊಟೊಕಾರ್ಪ್‌ಗೆ ನೋಟಿಸ್‌

ನವದೆಹಲಿ: ದೇಶದಲ್ಲಿ ದ್ವಿಚಕ್ರ ವಾಹನಗಳ ತಯಾರಿಕೆಯಲ್ಲಿ ಮುಂಚೂಣಿಯಲ್ಲಿರುವ ಹೀರೊ ಮೊಟೊಕಾರ್ಪ್‌ಗೆ, ತೆರಿಗೆ ಹಾಗೂ ದಂಡ ಸೇರಿ ಒಟ್ಟು ₹605 ಕೋಟಿ ಪಾವತಿಸುವಂತೆ ಆದಾಯ ತೆರಿಗೆ ಇಲಾಖೆಯು ನೋಟಿಸ್‌ ನೀಡಿದೆ.

2013–14ರಿಂದ 2017–18 ಹಾಗೂ 2019–20ರ ಮೌಲ್ಯಮಾಪನ ವರ್ಷಕ್ಕೆ ಸಂಬಂಧಿಸಿದಂತೆ ತೆರಿಗೆ ಪಾವತಿಸಲು ಈ ನೋಟಿಸ್‌ ನೀಡಲಾಗಿದೆ.  

‘ಈ ಬಗ್ಗೆ ಮೇಲ್ಮನವಿ ಸಲ್ಲಿಕೆ ಹಾಗೂ ಇತರೆ ಅಗತ್ಯ ಕ್ರಮವಹಿಸುವ ಬಗ್ಗೆ ಪರಿಶೀಲನೆ ನಡೆಸಲಾಗುತ್ತಿದೆ. ಒಟ್ಟು ಮೊತ್ತದಲ್ಲಿ ₹308.65 ಕೋಟಿ ತೆರಿಗೆ ಹಾಗೂ ₹296.22 ಕೋಟಿ ದಂಡದ ಮೊತ್ತವಾಗಿದೆ ಎಂದು ಷೇರುಪೇಟೆಗೆ ತಿಳಿಸಿದೆ.