ಹೊಸ ಸಿಟ್ರಾನ್‌ ಸಿ3 ಬಿಡುಗಡೆ: ಆರಂಭಿಕ ಪರಿಚಯಾತ್ಮಕ ಬೆಲೆ ₹5.7 ಲಕ್ಷ
Published 20 ಜುಲೈ 2022, 11:30 IST
ಸಿಟ್ರಾನ್‌ ಸಿ3
ಬೆಂಗಳೂರು: ಸಿಟ್ರಾನ್‌ ಇಂಡಿಯಾ ಕಂಪನಿಯು ಭಾರತದ ಮಾರುಕಟ್ಟೆಗೆ ಹೊಸ ‘ಸಿಟ್ರಾನ್‌ ಸಿ3’ ಬಿಡುಗಡೆ ಮಾಡಿದೆ. ಇದರ ಪರಿಚಯಾತ್ಮಕ ವಿಶೇಷ ಬೆಲೆ ₹ 5.70 ಲಕ್ಷ (ಎಕ್ಸ್ ಷೋರೂಂ).
ಈ ಮಾದರಿಯು ಶೇಕಡ 90ರಷ್ಟು ಸ್ಥಳೀಯವಾಗಿ ತಯಾರಾಗಿದೆ.ತಮಿಳುನಾಡಿನ ತಿರುವಲ್ಲೂರು ಬಳಿ ಇರುವ ಘಟಕದಲ್ಲಿ ಇದನ್ನು ತಯಾರಿಸಲಾಗಿದೆ. 1.2 ಲೀಟರ್ ಪೆಟ್ರೋಲ್‌ ಎಂಜಿನ್‌ ಹೊಂದಿದೆ ಎಂದು ಕಂಪನಿಯು ತಿಳಿಸಿದೆ.
ಎಸ್‌ಯುವಿಯಿಂದ ಪ್ರೇರಿತ ಹ್ಯಾಚ್‌ಬ್ಯಾಕ್‌ ಕಾರು ಇದು.ಈ ವಾಹನವು 4 ಮೀಟರ್‌ಗಿಂತ ಕಡಿಮೆ ಉದ್ದವಿದೆ ಎಂದು ಕಂಪನಿ ತಿಳಿಸಿದೆ.
19 ನಗರಗಳಲ್ಲಿ ಇರುವ ಎಲ್ಲಾ ಲಾ ಮೈಸನ್‌ ಸಿಟ್ರಾನ್‌ ಫಿಜಿಟಲ್‌ ಷೋರೂಂಗಳಲ್ಲಿ ಬುಧವಾರದಿಂದಲೇ ವಿತರಣೆ ಆರಂಭ ಆಗಿದೆ ಎಂದು ಕಂಪನಿಯು ಪ್ರಕಟಣೆಯಲ್ಲಿ ತಿಳಿಸಿದೆ.
ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.