ಹೀರೊ ಹೊಸ ಸ್ಕೂಟರ್ ಮಾರುಕಟ್ಟೆಗೆ
ಬೆಂಗಳೂರು: ವಿಶ್ವದ ಅತಿದೊಡ್ಡ ದ್ವಿಚಕ್ರ ವಾಹನ ತಯಾರಿಕಾ ಕಂಪನಿ ಎಂಬ ಹೆಗ್ಗಳಿಕೆಯನ್ನು ಹೊತ್ತಿರುವ ಹೀರೊ ಮೊಟೊಕಾರ್ಪ್‌, 110 ಸಿಸಿ ಸಾಮರ್ಥ್ಯದ ‘ಜೂಮ್‌’ ಹೆಸರಿನ ಸ್ಕೂಟರ್ ಅನಾವರಣ ಮಾಡಿದೆ.
ಈ ಸ್ಕೂಟರ್ ಸಮಕಾಲೀನ ವಿನ್ಯಾಸ ಹಾಗೂ ಅಸಾಧಾರಣವಾದ ಕಾರ್ಯಕ್ಷಮತೆಯನ್ನು ಹೊಂದಿದೆ ಎಂದು ಕಂಪನಿ ಹೇಳಿದೆ. ದೊಡ್ಡದಾದ ಹಾಗೂ ಅಗಲವಾದ ಟೈರ್‌ಗಳು, ಚುರುಕಾದ ಆ್ಯಕ್ಸಲರೇಷನ್‌ (ವೇಗೋತ್ಕರ್ಷ) ಈ ಸ್ಕೂಟರ್‌ನಲ್ಲಿ ಇವೆ.
ಹೀರೊ ಇಂಟೆಲಿಜೆಂಟ್‌ ಕಾರ್ನರಿಂಗ್‌ ಲೈಟ್‌ ಸೌಲಭ್ಯವು ರಾತ್ರಿಯ ಸಂಚಾರದಲ್ಲಿ ಹೆಚ್ಚಿನ ಸುರಕ್ಷತೆಯನ್ನು ಖಾತರಿಪಡಿಸುತ್ತದೆ ಎಂದು ಕಂಪನಿ ಹೇಳಿದೆ. ಸ್ಕೂಟರ್‌ನ ಪರಿಚಯಾತ್ಮಕ ಎಕ್ಸ್ ಷೋರೂಂ ಬೆಲೆಯು ₹ 68,599ರಿಂದ ಶುರುವಾಗುತ್ತದೆ.
‘ಈ ಮಾದರಿಯ ಮೂಲಕ ನಾವು ಸ್ಕೂಟರ್ ವಿಭಾಗವನ್ನು ಹೊಸದಾಗಿ ವ್ಯಾಖ್ಯಾನಿಸಲು ಮುಂದಾಗುತ್ತಿದ್ದೇವೆ. ದೇಶದ ಯುವಕರನ್ನು ನಾವು ಬಹಳ ಚೆನ್ನಾಗಿ ಅರ್ಥ ಮಾಡಿಕೊಂಡಿರುವುದರ ಫಲವಾಗಿ ಈ ಸ್ಕೂಟರ್ ಸಿದ್ಧವಾಗಿದೆ’ ಎಂದು ಕಂಪನಿಯ ಮುಖ್ಯ ಬೆಳವಣಿಗೆ ಅಧಿಕಾರಿ ರಂಜೀವಜಿತ್‌ ಸಿಂಗ್ ಹೇಳಿದ್ದಾರೆ.
ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.