ರೆನೊ ಹೊಸ ಎಸ್‌ಯುವಿ ಕಿಗರ್ ಬುಕಿಂಗ್ ಶುರು

ಮುಂಬೈ: ರೆನೊ ಕಂಪನಿ ತನ್ನ ಹೊಸ ಎಸ್‌ಯುವಿ ‘ಕಿಗರ್’ನ ಬುಕಿಂಗ್‌ಗೆ ಚಾಲನೆ ನೀಡಿದೆ. ಈ ಕಾರಿನ ಎಕ್ಸ್‌ ಷೋರೂಂ ಬೆಲೆಯು ₹ 5.45 ಲಕ್ಷದಿಂದ ₹ 9.55 ಲಕ್ಷದ ನಡುವೆ ಇದೆ.

ಡೀಲರ್‌ಗಳ ಮೂಲಕ ಅಥವಾ ಕಂಪನಿಯ ವೆಬ್‌ಸೈಟ್‌ ಮೂಲಕ ಬುಕಿಂಗ್‌ ಮಾಡಲು ಅವಕಾಶ ಇದೆ. ನಾಲ್ಕು ಮೀಟರ್‌ಗಿಂತ ಕಡಿಮೆ ಇರುವ ಈ ಎಸ್‌ಯುವಿ ವಾಹನದ ವಿನ್ಯಾಸವನ್ನು ಭಾರತ ಮತ್ತು ಫ್ರಾನ್ಸ್‌ನ ತಂಡಗಳು ಜೊತೆಯಾಗಿ ಮಾಡಿವೆ.

‘ಇದು ಆಧುನಿಕ ಕಾಲದ ಎಸ್‌ಯುವಿ. ಭಾರತದ ಮಾರುಕಟ್ಟೆಗೆ ಅತ್ಯಂತ ಸೂಕ್ತವಾಗಿದೆ’ ಎಂದು ಕಂಪನಿಯ ಭಾರತದ ಕಾರ್ಯಾಚರಣೆಗಳ ಸಿಇಒ ವೆಂಕಟರಾಮ್‌ ಎಂ. ಹೇಳಿದ್ದಾರೆ.