ಜನವರಿಯಿಂದ ಹೀರೊ ಮೊಟೊಕಾರ್ಪ್‌, ಪೋಕ್ಸ್‌ವ್ಯಾಗನ್‌ ವಾಹನಗಳ ಬೆಲೆ ಏರಿಕೆ

ನವದೆಹಲಿ: ತಯಾರಿಕಾ ವೆಚ್ಚ ಹೆಚ್ಚಾಗುತ್ತಿರುವ ಕಾರಣ ಜನವರಿಯಿಂದ ವಾಹನಗಳ ಬೆಲೆ ಏರಿಕೆ ಮಾಡುವುದಾಗಿ ಹೀರೊ ಮೊಟೊಕಾರ್ಪ್ ಮತ್ತು ಫೋಕ್ಸ್‌ವ್ಯಾಗನ್‌ ಕಂಪನಿಗಳು ಗುರುವಾರ ಹೇಳಿವೆ.

ತನ್ನ ಎಲ್ಲ ಮಾದರಿಯ ವಾಹನಗಳ ಎಕ್ಸ್‌ ಷೋರೂಂ ದರವುಜನವರಿ 4ರಿಂದ ಜಾರಿಗೆ ಬರುವಂತೆ ₹ 2 ಸಾವಿರದವರೆಗೆ ಏರಿಕೆ ಆಗಲಿದೆ ಎಂದು ಹೀರೊ ಮೊಟೊಕಾರ್ಪ್ ಪ್ರಕಟಣೆಯಲ್ಲಿ ತಿಳಿಸಿದೆ. ಪೋಲೊ, ವೆಂಟೊ ಮತ್ತು ಟೈಗುನ್‌ ಮಾದರಿಗಳ ಬೆಲೆಯು ಶೇಕಡ 2ರಿಂದ ಶೇ 5ರವರೆಗೂ ಏರಿಕೆ ಆಗಲಿದೆ ಎಂದು ಫೋಕ್ಸ್‌ವ್ಯಾಗನ್‌ ಕಂಪನಿ ಹೇಳಿದೆ.