ಸುಧಾರಿತ ರೇಂಜ್‌ ರೋವರ್ ಸ್ಪೋರ್ಟ್ ಎಸ್‌ವಿಆರ್‌ ಬಿಡುಗಡೆ

ಬೆಂಗಳೂರು: ಜಾಗ್ವಾರ್‌ ಲ್ಯಾಂಡ್‌ ರೋವರ್ (ಜೆಎಲ್ಆರ್‌) ಇಂಡಿಯಾ ಕಂಪನಿಯು ಸುಧಾರಿತ ರೇಂಜ್‌ ರೋವರ್‌ ಸ್ಪೋರ್ಟ್‌ ಎಸ್‌ವಿಆರ್‌ ಅನ್ನು ಮಂಗಳವಾರ ಬಿಡುಗಡೆ ಮಾಡಿದೆ. ಇದರ ಎಕ್ಸ್‌ ಷೋರೂಂ ಬೆಲೆ ₹ 2.19 ಕೋಟಿ ಇದೆ.

ಈ ಎಸ್‌ಯುವಿ 5 ಲೀಟರ್‌ ಸೂಪರ್‌ಚಾರ್ಜ್ಡ್‌ ವಿ8 ಪೆಟ್ರೋಲ್‌ ಎಂಜಿನ್‌ ಹೊಂದಿದೆ. ಕೇವಲ 4.5 ಸೆಕೆಂಡ್‌ಗಳಲ್ಲಿ ಈ ಎಸ್‌ಯುವಿ ಪ್ರತಿ ಗಂಟೆಗೆ 100 ಕಿ.ಮೀ. ವೇಗವನ್ನು ತಲುಪಬಲ್ಲದು ಎಂದು ಕಂಪನಿ ಹೇಳಿದೆ.

ಬ್ರಿಟಿಷ್ ವಿನ್ಯಾಸ ಮತ್ತು ಎಂಜಿನಿಯರಿಂಗ್‌ ತಂತ್ರಜ್ಞಾನದಿಂದ ಸಿದ್ಧಪಡಿಸಿರುವ ಇದನ್ನು ಎಸ್‌ಯುವಿ ಉತ್ಸಾಹಿಗಳು ಇಷ್ಟಪಡುವ ವಿಶ್ವಾಸವಿದೆ ಎಂದು ಜೆಎಲ್‌ಆರ್‌ ಇಂಡಿಯಾದ ಅಧ್ಯಕ್ಷ ರೋಹಿತ್‌ ಸೂರಿ ಹೇಳಿದ್ದಾರೆ.