ಜನವರಿ 1 ರಿಂದ ಬೆಲೆ ಏರಿಕೆಗೆ ಸ್ಕೋಡಾ ಚಿಂತನೆ

ಮುಂಬೈ: ತಯಾರಿಕಾ ವೆಚ್ಚ ಹೆಚ್ಚಾಗುತ್ತಿರುವುದರಿಂದ ಜನವರಿ 1 ರಿಂದ ಕಾರುಗಳ ಬೆಲೆಯನ್ನು ಶೇ 2.5ರವರೆಗೂ ಏರಿಕೆ ಮಾಡುವ ಕುರಿತು ಚಿಂತನೆ ನಡೆಸುತ್ತಿರುವುದಾಗಿ ಸ್ಕೋಡಾ ಕಂಪನಿ ಮಂಗಳವಾರ ಹೇಳಿದೆ.

‘ಜಾಗತಿಕ ಮಾರುಕಟ್ಟೆಯಲ್ಲಿ ಉತ್ಪನ್ನಗಳ ಬೆಲೆಯಲ್ಲಿ ಸಾಕಷ್ಟು ಏರಿಳಿತ ಆಗುತ್ತಿದೆ. ವಿದೇಶಿ ವಿನಿಮಯ ದರದಲ್ಲಿಯೂ ಭಾರಿ ವ್ಯತ್ಯಾಸ ಕಂಡುಬರುತ್ತಿದೆ. ಈ ಕಾರಣಗಳಿಂದಾಗಿ ತಯಾರಿಕಾ ವೆಚ್ಚ ಹೆಚ್ಚಾಗುತ್ತಿದೆ’ ಎಂದು ಸ್ಕೋಡಾ ಆಟೊ ಇಂಡಿಯಾದ ವಕ್ತಾರರೊಬ್ಬರು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.