ದೇಶದ ಮಾರುಕಟ್ಟೆಯಲ್ಲಿರುವ ₹10 ಲಕ್ಷ ಒಳಗಿನ ಐದು ಟಾಪ್ ಅಟೊಮ್ಯಾಟಿಕ್ ಕಾರುಗಳು
ಬೆಂಗಳೂರು: ದೇಶದ ಅಟೊಮೊಬೈಲ್ ಮಾರುಕಟ್ಟೆಯಲ್ಲಿ ಈಗ ಸ್ವಯಂಚಾಲಿತ ಗೇರ್ ವ್ಯವಸ್ಥೆ ಹೊಂದಿರುವ ಕಾರುಗಳ ಸಂಖ್ಯೆ ಹೆಚ್ಚಾಗುತ್ತಿದೆ.
ಸುಲಲಿತ ಚಾಲನಾ ಅನುಭವ ಮತ್ತು ಹೆಚ್ಚಿನ ಮೈಲೇಜ್ ಕೂಡ ನೀಡುವ ಈ ಕಾರುಗಳು ಬೇಡಿಕೆ ಪಡೆದುಕೊಂಡಿದ್ದು, ನಗರಗಳ ವಿಸ್ತರಣೆ, ಪ್ರಯಾಣದ ಅಗತ್ಯತೆ ಕೂಡ ಇದಕ್ಕೆ ಕಾರಣವಾಗಿದೆ.
ದೇಶದಲ್ಲಿ ಪ್ರಸ್ತುತ ₹10 ಲಕ್ಷದ ಒಳಗಿನ ದರ ಹೊಂದಿರುವ ಐದು ಟಾಪ್ ಅಟೊಮ್ಯಾಟಿಕ್ ಕಾರುಗಳ ವಿವರ ಇಲ್ಲಿದೆ.
1. ಫೋಕ್ಸ್‌ವ್ಯಾಗನ್ ಪೋಲೊ 1.0 ಟಿಎಸ್ಐ ಎಟಿ
ಫೋಕ್ಸ್‌ವ್ಯಾಗನ್‌ನ ಜನಪ್ರಿಯ ಮಾದರಿ ಪೋಲೊ, ಹೆಚ್ಚು ಇಂಧನ ಉಳಿತಾಯಕ್ಕೆ ಸಹಕಾರಿಯಾಗುತ್ತದೆ. ದೇಶದಲ್ಲಿ ಫೋಕ್ಸ್‌ವ್ಯಾಗನ್ ಬೆಲೆ ಶ್ರೇಣಿ (ಪೋಲೊ ಎಟಿ): ₹9.59 ಲಕ್ಷ - ₹10 ಲಕ್ಷ (ಎಕ್ಸ್ ಶೋ ರೂಂ)
2. ಮಾರುತಿ ಸುಜುಕಿ ಬಲೆನೊ / ಟೊಯೋಟ ಗ್ಲ್ಯಾನ್ಜಾ
ದೇಶದಲ್ಲಿ ಮಾರುತಿ ಬಲೆನೊ ಮತ್ತು ಟೊಯೋಟ ಗ್ಲ್ಯಾನ್ಜಾ ಮಾದರಿಗಳು ಕೂಡ ₹10 ಲಕ್ಷ ಬೆಲೆಯ ಒಳಗಡೆ ಲಭ್ಯವಿದೆ.
ಬೆಲೆ ಶ್ರೇಣಿ: ಬಲೆನೊ - ₹7.91 ಲಕ್ಷದಿಂದ ₹9.30 ಲಕ್ಷ / ಗ್ಲ್ಯಾನ್ಜಾ - ₹8.54 ಲಕ್ಷದಿಂದ ₹9.30 ಲಕ್ಷ (ಎಲ್ಲಾ ಬೆಲೆಗಳು ಎಕ್ಸ್ ಶೋ ರೂಂ)
3. ಹೋಂಡಾ ಅಮೇಝ್ ಸಿವಿಟಿ
ಹೋಂಡಾ ಅಮೇಜ್ ಕಾರು ಪೆಟ್ರೋಲ್ ಮತ್ತು ಡೀಸೆಲ್ ಆವೃತ್ತಿಯಲ್ಲಿ ಲಭ್ಯವಿದೆ. ಸೆಡಾನ್ ಮಾದರಿ ಇದಾಗಿದ್ದು, ದೇಶದಲ್ಲಿ ಬೆಲೆ ಶ್ರೇಣಿ: ₹7.93 ಲಕ್ಷ - ₹10 ಲಕ್ಷ (ಎಕ್ಸ್ ಶೋ ರೂಂ) ಇದೆ.
4. ನಿಸಾನ್ ಮಾಗ್ನೈಟ್/ ರಿನಾಲ್ಟ್ ಕಿಗರ್
ಇವು ಎರಡು ಮಾದರಿಗಳು ಕೂಡ ಕಾಂಪಾಕ್ಟ್ ಎಸ್‌ಯುವಿ ಆಗಿದ್ದು, ಹೆಚ್ಚಿನ ಬೇಡಿಕೆ ಹೊಂದಿರುವ ಮಾದರಿಗಳಾಗಿವೆ.
ಬೆಲೆ ಶ್ರೇಣಿ (ಮ್ಯಾಗ್ನೈಟ್ ಸಿವಿಟಿ): ₹8.39 ಲಕ್ಷ - ₹9.89 ಲಕ್ಷ. (ಎಕ್ಸ್ ಶೋ ರೂಂ)
ಬೆಲೆ ಶ್ರೇಣಿ (ಕಿಗರ್ ಸಿವಿಟಿ): ₹8.60 ಲಕ್ಷ - ₹9.75 ಲಕ್ಷ (ಎಕ್ಸ್ ಶೋ ರೂಂ)
5. ಹುಂಡೈ ವೆನ್ಯು 1.0 ಟರ್ಬೊ ಡಿಸಿಟಿ
ಹುಂಡೈನ ಆಕರ್ಷಕ ಕಾಂಪಾಕ್ಟ್ ಎಸ್‌ಯುವಿ ಹೆಚ್ಚು ಗ್ರಾಹಕರನ್ನು ಸೆಳೆಯುತ್ತಿದೆ. ದೇಶದಲ್ಲಿ ಇದರ ಬೆಲೆ: ₹9.78 ಲಕ್ಷ. (ಎಕ್ಸ್ ಶೋ ರೂಂ)
ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.