ಕೇಂದ್ರ ಬಜೆಟ್: ರೈಲ್ವೆ ಸಂಬಂಧಿತ ಷೇರುಗಳ ಬೆಲೆಯಲ್ಲಿ ಹೆಚ್ಚಳ

ನವದೆಹಲಿ: ಕೇಂದ್ರ ಬಜೆಟ್ ಹಿನ್ನೆಲೆಯಲ್ಲಿ ರೈಲ್ವೆ ಸಂಬಂಧಿತ ಕಂಪನಿಗಳ ಷೇರು ಮೌಲ್ಯದಲ್ಲಿ ಹೆಚ್ಚಳ ಕಂಡುಬಂದಿದೆ.

IRCON ಇಂಟರ್‌ನ್ಯಾಷನಲ್ ಷೇರುಗಳು ಶೇ 3.26,ಟೆಕ್ಸ್‌ಮಾಕೊ ರೈಲ್ ಮತ್ತು ಎಂಜಿನಿಯರಿಂಗ ಷೇರುಗಳ ಮೌಲ್ಯ ಶೇ 2.71, ಇಂಡಿಯನ್ ರೈಲ್ವೆ ಫೈನಾನ್ಸ್ ಕಾರ್ಪೊರೇಶನ್ ಷೇರುಗಳು ಮೌಲ್ಯ ಶೇ 2.58 ರಷ್ಟು, ರೈಲ್ ವಿಕಾಸ್ ನಿಗಮದ ಷೇರುಗಳ ಮೌಲ್ಯವು ಶೇ 1.52ರಷ್ಟು ಹೆಚ್ಚಳ ಕಂಡಿವೆ.

ಜುಪಿಟರ್ ವಾಗನ್ ಷೇರು ಬೆಲೆ ಶೇ 1.46ರಷ್ಟು, ಇಂಡಿಯನ್ ರೈಲ್ವೆ ಕೇಟರಿಂಗ್ ಆ್ಯಂಡ್ ಟೂರಿಸಂ ಕಾರ್ಪೊರೇಶನ್ ಷೇರು ಬೆಲೆ 0.88ರಷ್ಟು ಏರಿಕೆ ಕಂಡಿದೆ.

30 ಷೇರಯಗಳ ಬಿಎಸ್‌ಇ ಸೆನ್ಸೆಕ್ಸ್ 118.59 ಅಂಶಗಳಷ್ಟು ಏರಿಕೆ ಕಂಡು 71,870ರಲ್ಲಿ ವಹಿವಾಟು ಆರಂಭಿಸಿದರೆ, ನಿಫ್ಟಿ 68.20 ಅಂಶಗಳ ಏರಿಕೆಯೊಂದಿಗೆ 21,789ರಲ್ಲಿ ವಹಿವಾಟು ನಡೆಸಿದೆ.