Union Budget | ಪ್ರಮುಖ ಉದ್ಯಮಿಗಳ ಪ್ರತಿಕ್ರಿಯೆಗಳು
Published 23 ಜುಲೈ 2024, 14:20 IST
ನಿರ್ಮಲಾ ಸೀತಾರಾಮನ್
(ಪಿಟಿಐ ಚಿತ್ರ)
ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮನ್ ಇಂದು (ಮಂಗಳವಾರ) ಮಂಡಿಸಿದ ಬಜೆಟ್‌ಗೆ ದೇಶದ ಪ್ರಮುಖ ಉದ್ಯಮಿಗಳ ಪ್ರತಿಕ್ರಿಯೆಗಳು.
ಬಜೆಟ್ ಭಾರತವನ್ನು ಜ್ಞಾನ, ತಂತ್ರಜ್ಞಾನ ಚಾಲಿತ ಆರ್ಥಿಕತೆಯತ್ತ ಕೊಂಡೊಯ್ಯಲಿದ್ದು, ಸುಸ್ಥಿರ ಅಭಿವೃದ್ಧಿಗೆ ನಮ್ಮ ಬದ್ಧತೆಯನ್ನು ತೋರಿಸುತ್ತದೆ. ದೇಶದ ಆಕಾಂಕ್ಷೆಗಳನ್ನು ಸಾಕಾರಗೊಳಿಸುವುದರೊಂದಿಗೆ ಜಾಗತಿಕ ಮಟ್ಟದಲ್ಲಿ ಭಾರತದ ಸ್ಥಾನವನ್ನು ಮತ್ತಷ್ಟು ಬಲಪಡಿಸಲಿದೆ.-ಪವನ್ ಮುಂಜಾಲ್, ಅಧ್ಯಕ್ಷ, ಹೀರೊ ಮೋಟೊಕಾರ್ಪ್‌
ಇದು ದೂರದೃಷ್ಟಿಯ ಬಜೆಟ್ ಆಗಿದೆ. ಉದ್ಯೋಗ ಸೃಷ್ಟಿ, ಎಂಎಸ್‌ಎಂಇಗಳು, ಕೌಶಲ್ಯ ಮತ್ತು ಮಹಿಳಾ ಸಬಲೀಕರಣದಂತಹ ಈಗಿನ ಆದ್ಯತೆಗಳನ್ನು ಉತ್ತೇಜಿಸುತ್ತದೆ.-ಹಿಸಾಶಿ ಟೇಕುಚಿ, ವ್ಯವಸ್ಥಾಪಕ ನಿರ್ದೇಶಕ ಹಾಗೂ ಸಿಇಒ, ಮಾರುತಿ ಸುಜುಕಿ ಇಂಡಿಯಾ
ಅಂತರ್ಗತ ಬಜೆಟ್ ಇದಾಗಿದ್ದು, ಉದ್ಯೋಗ ಸೃಷ್ಟಿ ಹಾಗೂ ಕೌಶಲ್ಯದ ಮೇಲೆ ಆದ್ಯತೆ ಹೊಂದಿದೆ. ಕೃಷಿ ಹಾಗೂ ಉತ್ಪಾದನೆಯ ನಡುವೆ ಸಮತೋಲನವನ್ನು ಕಾಪಾಡಿಕೊಂಡಿದೆ.-ಅನೀಶ್ ಷಾ, ಅಧ್ಯಕ್ಷ, ಎಫ್‌ಐಸಿಸಿಐ
ಹೊಸ ಸರ್ಕಾರ ಚೊಚ್ಚಲ ಬಜೆಟ್, ಉದ್ಯೋಗ ಸೃಷ್ಟಿಯತ್ತ ಗಮನ ಹರಿಸುವುದರೊಂದಿಗೆ ಸುಸ್ಥಿರ ಬೆಳವಣಿಗೆಗೆ ಸಮಗ್ರ ಮಾರ್ಗಸೂಚಿಯನ್ನು ಹೊಂದಿದೆ. ಸಮಾಜದ ಎಲ್ಲ ವಿಭಾಗಕ್ಕೂ ಸಮಗ್ರ ಮಾರ್ಗಸೂಚಿಯನ್ನು ಒದಗಿಸುತ್ತದೆ.-ಸಂಜೀವ್ ಪುರಿ, ಅಧ್ಯಕ್ಷ, ಸಿಐಐ
ಮೋದಿ 3.0 ಬಜೆಟ್‌ನಲ್ಲಿ ವಿತ್ತೀಯ ಕೊರತೆ ತಗ್ಗಿಸಲು ಒತ್ತು ನೀಡಲಾಗಿದ್ದು, ಶೇಕಡ 4.9ಕ್ಕೆ ನಿಗದಿಪಡಿಸಲಾಗಿದೆ. ಕೃಷಿ ವಲಯ ಹಾಗೂ ವಸತಿ ಮೂಲಸೌಕರ್ಯಗಳ ಮೇಲೆ ಗಮನ ಹರಿಸಲಾಗಿದೆ.-ಅಶೋಕ್ ಹಿಂದುಜಾ, ಅಧ್ಯಕ್ಷ, ಹಿಂದುಜಾ ಗ್ರೂಪ್ ಆಫ್ ಕಂಪನಿ
ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.