ಏರ್‌ ಏಷ್ಯಾ ವಿದೇಶ ಪ್ರಯಾಣ ದರ ಕಡಿತ

ಬೆಂಗಳೂರು: ಅಗ್ಗದ ವಿಮಾನ ಯಾನ ಸಂಸ್ಥೆ ಏರ್ ಏಷ್ಯಾ, ಕ್ವಾಲಾಲಂಪುರ, ಬ್ಯಾಂಕಾಕ್‌ಗೆ ತೆರಳುವ ತನ್ನ ವಿಮಾನಗಳ ಪ್ರಯಾಣ ದರದಲ್ಲಿ ಕಡಿತ ಮಾಡಿದೆ.

ಬೆಂಗಳೂರು ಸೇರಿದಂತೆ ದೇಶದ ವಿವಿಧ ನಗರಗಳಿಂದ ಕ್ವಾಲಾಲಂಪುರ ಮತ್ತು ಬ್ಯಾಂಕಾಕ್‌ನ ಪ್ರಯಾಣದ ದರದಲ್ಲಿ ಶೇ 70ರಷ್ಟು ರಿಯಾಯ್ತಿ ಪ್ರಕಟಿಸಲಾಗಿದೆ.

ಈ ಮೂಲಕ ಹೆಚ್ಚೆಚ್ಚು ಪ್ರಯಾಣಿಕರು ಕೈಗೆಟುಕುವ ದರದಲ್ಲಿ ವಿದೇಶಗಳಿಗೆ ಪ್ರಯಾಣಿಸುವುದಕ್ಕೆ ಉತ್ತೇಜನ ನೀಡುತ್ತಿದ್ದೇವೆ. ಈ ರಿಯಾಯ್ತಿ ದರದ ಟಿಕೆಟ್ ಮಾರಾಟ ಇದೇ 28ರವರೆಗೂ ನಡೆಯಲಿದೆ.

ಈ ವರ್ಷದ ಅಕ್ಟೋಬರ್ 1ರಿಂದ ಆರಂಭಗೊಂಡು 2020ರ ಜೂನ್ 2ರ ಅವಧಿಯಲ್ಲಿ ಪ್ರಯಾಣಿಸಲು ಮುಂಗಡ ಟಿಕೆಟ್‌ ಕಾದಿರಿಸಬಹುದು ಎಂದು ಸಂಸ್ಥೆಯ ವಕ್ತಾರರು ತಿಳಿಸಿದ್ದಾರೆ.