ಅಮೆಜಾನ್ ಎಡವಟ್ಟು: ₹96,700 ಬೆಲೆಯ ಎಸಿ ₹5,900 ದರಕ್ಕೆ ಮಾರಾಟ!
ಬೆಂಗಳೂರು: ಪ್ರಮುಖ ಇ ಕಾಮರ್ಸ್ ತಾಣ ಅಮೆಜಾನ್, ದೇಶದಲ್ಲಿ ದುಬಾರಿ ಬೆಲೆಯ ಎಸಿ ಒಂದನ್ನು ಎಡವಟ್ಟಿನಿಂದಾಗಿ ಶೇ 94 ಡಿಸ್ಕೌಂಟ್ ಸಹಿತ ಆಫರ್ ದರದಲ್ಲಿ ಮಾರಾಟ ಮಾಡಿದೆ.
ಅಮೆಜಾನ್‌ನಲ್ಲಿ ಸೋಮವಾರ ತೋಷಿಬಾ ಕಂಪನಿಯ ಎಸಿ (ಮೂಲ ಬೆಲೆ ₹96,700) ಕಣ್ತಪ್ಪಿನಿಂದ ಶೇ 94 ಡಿಸ್ಕೌಂಟ್ ಸಹಿತ ಕೇವಲ ₹5,900 ಕ್ಕೆ ಲಭ್ಯವಾಗುತ್ತಿತ್ತು.
ಅಮೆಜಾನ್ ಆಫರ್ ಸೇಲ್‌ನಲ್ಲಿ ಉಂಟಾದ ಎಡವಟ್ಟಿನಿಂದ ಗ್ರಾಹಕರಿಗೆ ದುಬಾರಿ ಬೆಲೆಯ ಎಸಿ, ₹90,800 ಡಿಸ್ಕೌಂಟ್ ಬಳಿಕ ₹5,900ಕ್ಕೆ ದೊರೆತಿದೆ. ಅಲ್ಲದೆ, ₹278 ದರಕ್ಕೆ ಇಎಂಐ ಆಯ್ಕೆ ಕೂಡ ಲಭ್ಯವಾಗಿದೆ.
ಅಮೆಜಾನ್ ಕಂಪನಿಗೆ ಎಡವಟ್ಟು ಗಮನಕ್ಕೆ ಬರುತ್ತಲೇ ಅದನ್ನು ತಕ್ಷಣವೇ ಸರಿಪಡಿಸಿದೆ. ಅಲ್ಲದೆ, ಹೊಸ ದರದಲ್ಲಿ ತೋಷಿಬಾ ಎಸಿ ಈಗ ಗ್ರಾಹಕರಿಗೆ ಲಭ್ಯವಾಗುತ್ತಿದೆ.
ತೋಷಿಬಾ 1.8 ಟನ್ 5 ಸ್ಟಾರ್ ಇನ್‌ವರ್ಟರ್ ಸಹಿತ ಎಸಿ, ಮೂಲ ಬೆಲೆಯಲ್ಲಿ ಶೇ 20 ಡಿಸ್ಕೌಂಟ್ ಬಳಿಕ, ₹59,490ಕ್ಕೆ ದೊರೆಯುತ್ತಿದೆ. ಅಲ್ಲದೆ, ₹2800 ಇಎಂಐ ಆಯ್ಕೆ ಕೂಡ ಅನ್ವಯವಾಗಲಿದೆ.
ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.