ಅರವಿಂದರ್‌ ಸಾಹ್ನಿ ಐಒಸಿ ನೂತನ ಅಧ್ಯಕ್ಷ

ನವದೆಹಲಿ: ಭಾರತೀಯ ತೈಲ ನಿಗಮದ (ಐಒಸಿ) ನೂತನ ಅಧ್ಯಕ್ಷರಾಗಿ ಅರವಿಂದರ್‌ ಸಿಂಗ್‌ ಸಾಹ್ನಿ ಅವರು ಆಯ್ಕೆಯಾಗಿದ್ದಾರೆ ಎಂದು ಕೇಂದ್ರ ಪೆಟ್ರೋಲಿಯಂ ಮತ್ತು ನೈಸರ್ಗಿಕ ಅನಿಲ ಸಚಿವಾಲಯ ಬುಧವಾರ ತಿಳಿಸಿದೆ.

ಅವರ ಅಧಿಕಾರಾವಧಿಯು 5 ವರ್ಷ ಅಥವಾ ಮುಂದಿನ ಆದೇಶದವರೆಗೆ ಇರಲಿದೆ ಎಂದು ತಿಳಿಸಿದೆ.

ಆಗಸ್ಟ್‌ನಲ್ಲಿ ಐಒಸಿಯ ಕಾರ್ಯ ನಿರ್ವಾಹಕ ನಿರ್ದೇಶಕರಾಗಿ (ಬ್ಯುಸಿನೆಸ್‌ ಡೆವಲಪ್‌ಮೆಂಟ್‌–ಪೆಟ್ರೋಕೆಮಿಕಲ್ಸ್‌) ಅವರು ನೇಮಕವಾಗಿದ್ದರು. 

1993ರಲ್ಲಿ ಐಒಸಿಗೆ ಸೇರಿದ ಸಾಹ್ನಿ ಅವರು ವಿವಿಧ ಹುದ್ದೆಗಳಲ್ಲಿ ಕಾರ್ಯ ನಿರ್ವಹಿಸಿದ್ದಾರೆ. ಕಾನ್ಪುರದ ಹರ್‌ಕೋರ್ಟ್‌ ಬಟ್ಲರ್‌ ತಾಂತ್ರಿಕ ವಿಶ್ವವಿದ್ಯಾಲಯದಿಂದ ಕೆಮಿಕಲ್‌ ಎಂಜಿನಿಯರಿಂಗ್‌ ಪದವಿ ಪಡೆದಿದ್ದಾರೆ.