ಬಾತ್ರಾ ಅವರಿಗೆ ‘ಇನ್ನೊವೇಟಿವ್ ಸಿಎಫ್‌ಒ’ ಪ್ರಶಸ್ತಿ

ಬೆಂಗಳೂರು: ಭಾರತ್ ಎಲೆಕ್ಟ್ರಾನಿಕ್ಸ್‌ ಲಿಮಿಟೆಡ್‌ನ (ಬಿಇಎಲ್‌) ವ್ಯವಸ್ಥಾಪಕ ನಿರ್ದೇಶಕ ದಿನೇಶ್ ಕುಮಾರ್ ಬಾತ್ರಾ ಅವರಿಗೆ ‘ಇನ್ನೊವೇಟಿವ್ ಸಿಎಫ್‌ಒ’ ಪ್ರಶಸ್ತಿ ದೊರೆತಿದೆ. ಬಾತ್ರಾ ಅವರು ಕಂಪನಿಯ ಮುಖ್ಯ ಹಣಕಾಸು ಅಧಿಕಾರಿಯೂ (ಸಿಎಫ್ಒ) ಹೌದು.

ಮುಂಬೈನಲ್ಲಿ ಬ್ಯುಸಿನೆಸ್‌ ಲೀಡರ್‌ಶಿಪ್‌ ಅವಾರ್ಡ್ಸ್‌ನ ಎರಡನೆಯ ಆವೃತ್ತಿಯಲ್ಲಿ ಅವರಿಗೆ ಈ ಪ್ರಶಸ್ತಿ ಪ್ರದಾನ ಮಾಡಲಾಗಿದೆ ಎಂದು ಕಂಪನಿಯ ಪ್ರಕಟಣೆ ತಿಳಿಸಿದೆ.

ಬಾತ್ರಾ ಅವರು ಸಿಎಫ್‌ಒ ಆಗಿ ಅಧಿಕಾರ ಸ್ವೀಕರಿಸಿದ ಸಂದರ್ಭದಲ್ಲಿ ಕಂಪನಿಯ ಮಾರುಕಟ್ಟೆ ಬಂಡವಾಳ ಮೌಲ್ಯವು ₹ 24 ಸಾವಿರ ಕೋಟಿ ಆಗಿತ್ತು. ಅವರ ನಾಯಕತ್ವದಲ್ಲಿ ಮಾರುಕಟ್ಟೆ ಬಂಡವಾಳ ಮೌಲ್ಯವು ₹ 80 ಸಾವಿರ ಕೋಟಿಯ ಗಡಿ ದಾಟಿದೆ ಎಂದು ಪ್ರಕಟಣೆ ತಿಳಿಸಿದೆ.