ಬಯೋಕಾನ್‌ನಿಂದ ‘ಬಯೋಸಿಮಿಲರ್ಸ್’ ವಹಿವಾಟು ಖರೀದಿ

ನವದೆಹಲಿ (ಪಿಟಿಐ): ವಯಾಟ್ರಿಸ್‌ ಕಂಪನಿಯ ’ಬಯೋಸಿಮಿಲರ್ಸ್‌’ ವಹಿವಾಟನ್ನು ₹ 24,990 ಕೋಟಿಗೆ ಖರೀದಿಸುತ್ತಿರುವುದಾಗಿ ಬಯೋಕಾನ್ ಕಂಪನಿ ಪ್ರಕಟಿಸಿದೆ. ಇದು ಫಾರ್ಮಾ ಮತ್ತು ಆರೋಗ್ಯ ಸೇವಾ ವಲಯದ ಅತಿದೊಡ್ಡ ಖರೀದಿ ಒಪ್ಪಂದ ಎನ್ನಲಾಗಿದೆ.

ಈ ವಿಚಾರವಾಗಿ ಬಯೋಕಾನ್‌ನ ಅಂಗಸಂಸ್ಥೆಯಾಗಿರುವ ಬಯೋಕಾನ್ ಬಯೋಲಾಜಿಕ್ಸ್, ವಯಾಟ್ರಿಸ್‌ ಜೊತೆ ಒಪ್ಪಂದ ಮಾಡಿಕೊಂಡಿದೆ. ಈ ಒಪ್ಪಂದಕ್ಕೆ ಎರಡೂ ಕಂಪನಿಗಳ ಆಡಳಿತ ಮಂಡಳಿಗಳು ಒಪ್ಪಿಗೆ ನೀಡಿವೆ.