ಬಿಎಸ್‌ಎನ್‌ಎಲ್‌: ತಗ್ಗಿದ ನಷ್ಟ

ನವದೆಹಲಿ: ಸರ್ಕಾರಿ ಸ್ವಾಮ್ಯದ ಭಾರತ್ ಸಂಚಾರ್ ನಿಗಮ್ ಲಿಮಿಟೆಡ್‌ನ (ಬಿಎಸ್‌ಎನ್‌ಎಲ್‌) ಒಟ್ಟು ನಷ್ಟವು 2020–21ರಲ್ಲಿ ₹ 7,441 ಕೋಟಿಗೆ ಇಳಿಕೆಯಾಗಿದೆ ಎಂದು ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.

ಬಿಎಸ್‌ಎನ್‌ಎಲ್‌ ಕಂಪನಿಯು 2019–20ರಲ್ಲಿ ಒಟ್ಟು ₹ 15,499 ಕೋಟಿ ನಷ್ಟ ಅನುಭವಿಸಿತ್ತು. ‘ಕಂಪನಿಯ 78,569 ನೌಕರರು ಸ್ವಯಂ‍ ನಿವೃತ್ತಿ (ವಿಆರ್‌ಎಸ್‌) ಪಡೆದಿದ್ದಾರೆ. ಇದರ ಪರಿಣಾಮವಾಗಿ ನೌಕರರ ವೇತನಕ್ಕಾಗಿ ವೆಚ್ಚ ಮಾಡುವ ಮೊತ್ತ ಕಡಿಮೆಯಾಗಿದೆ. ನಷ್ಟ ಕಡಿಮೆ ಆಗಲು ಇದು ಪ್ರಮುಖ ಕಾರಣ’ ಎಂದು ಅವರು ಹೇಳಿದ್ದಾರೆ.