ಚೆನ್ನೈ: 500ನೇ ಕ್ರೋಮಾ ಮಳಿಗೆ ಲೋಕಾರ್ಪಣೆ

ಚೆನ್ನೈ: ಟಾಟಾ ಸಮೂಹದ ಇನ್ಫಿನಿಟಿ ರಿಟೇಲರ್ ‘ಕ್ರೋಮಾ’ದ 500ನೇ ಮಳಿಗೆಯು ಚೆನ್ನೈನ ಕಟ್ಟುಪಾಕ್ಕಂನಲ್ಲಿ ಬುಧವಾರ ಕಾರ್ಯಾರಂಭ ಮಾಡಿದೆ. 

ಹೊಸ ಮಳಿಗೆಯಲ್ಲಿ 550 ಬ್ರ್ಯಾಂಡ್‌ಗಳ 16 ಸಾವಿರಕ್ಕೂ ಹೆಚ್ಚು ಉತ್ಪನ್ನಗಳು ಗ್ರಾಹಕರಿಗೆ ದೊರೆಯಲಿವೆ. ಮಳಿಗೆ ಉದ್ಘಾಟನೆ ಅಂಗವಾಗಿ ಜೂನ್‌ 23ರ ವರೆಗೆ ಉತ್ಪನ್ನಗಳ ಖರೀದಿ ಮೇಲೆ ಶೇ 10ರಷ್ಟು ರಿಯಾಯಿತಿ ಸೌಲಭ್ಯ ಪ್ರಕಟಿಸಲಾಗಿದೆ. ‘ಹ್ಯಾಪಿ 500 ಟು ಯೂ’ ಅಭಿಯಾನದ ಮೂಲಕ ಉದ್ಘಾಟಿಸಲಾಗಿದೆ ಎಂದು ಕಂಪನಿ ತಿಳಿಸಿದೆ.

‘ಈ ಮಳಿಗೆ ಆರಂಭದ ಮೂಲಕ ಗ್ರಾಹಕರಿಗೆ ಮತ್ತಷ್ಟು ಹತ್ತಿರವಾಗಿದ್ದೇವೆ. ಅಲ್ಲದೆ, ದೇಶದ ಎಲ್ಲ ಭಾಗಕ್ಕೂ ತಲುಪಿದ್ದೇವೆ. ನಮ್ಮ ಹೆಜ್ಜೆಯನ್ನು ಇನ್ನಷ್ಟು ವಿಸ್ತರಿಸಬೇಕಿದೆ’ ಎಂದು ‘ಕ್ರೋಮಾ’ದ ಡೆಪ್ಯುಟಿ ಸಿಇಒ ಶಿಬಾಶಿಷ್‌ ರಾಯ್‌ ಹೇಳಿದ್ದಾರೆ.