ಸಬ್ಸಿಡಿ ಕಡಿತ: ದ್ವಿಚಕ್ರ ಇ.ವಿ. ಮಾರಾಟ ಇಳಿಕೆ

ಮುಂಬೈ: ಫೇಮ್ ಯೋಜನೆಯ ಅಡಿಯಲ್ಲಿ ನೀಡಲಾಗುತ್ತಿದ್ದ ಸಬ್ಸಿಡಿ ಕಡಿತ ಮಾಡಿದ ನಂತರದಲ್ಲಿ ವಿದ್ಯುತ್ ಚಾಲಿತ ದ್ವಿಚಕ್ರ ವಾಹನಗಳಿಗೆ (ಇ.ವಿ) ಬೇಡಿಕೆ ಕಡಿಮೆ ಆಗುತ್ತಿದೆ ಎಂದು ಕೇರ್‌ ರೇಟಿಂಗ್ಸ್‌ ಹೇಳಿದೆ. ಈಗ ದ್ವಿಚಕ್ರ ಇ.ವಿ. ತಯಾರಕರು ಹೊಸ ಸಂಶೋಧನೆಗಳ ಮೂಲಕ ಬೆಲೆ ತಗ್ಗಿಸಲು ಮುಂದಾಗಬೇಕಿದೆ ಎಂದು ಅದು ಹೇಳಿದೆ.

ಇ.ವಿ. ಮಾರಾಟಕ್ಕೆ ಉತ್ತೇಜನ ನೀಡುವ ಉದ್ದೇಶದಿಂದ ಕೇಂದ್ರ ಸರ್ಕಾರವು 2015ರಲ್ಲಿ ಫೇಮ್ ಸಬ್ಸಿಡಿ ಯೋಜನೆಯನ್ನು ಆರಂಭಿಸಿತು. ಆಗ ಇದಕ್ಕೆ ₹75 ಕೋಟಿ ನಿಗದಿ ಮಾಡಲಾಗಿತ್ತು. ಈ ವರ್ಷದ ಜೂನ್‌ 1ರಿಂದ ಅನ್ವಯವಾಗುವಂತೆ ಕೇಂದ್ರವು ಸಬ್ಸಿಡಿ ಮೊತ್ತವನ್ನು ತಗ್ಗಿಸಿದೆ.