ಬೆಂಗಳೂರು: ಟಾಟಾ ಮೋಟರ್ಸ್ ಲಿಮಿಟೆಡ್ನ ಅಂಗಸಂಸ್ಥೆಯಾದ ಟಾಟಾ ಪ್ಯಾಸೆಂಜರ್ ಎಲೆಕ್ಟ್ರಿಕ್ ಮೊಬಿಲಿಟಿ ಲಿಮಿಟೆಡ್ (ಟಿಪಿಇಎಂ) ಇದೀಗ ಈಸಿಟುಇವಿ (#Easy To EV) ಅಭಿಯಾನ ಪ್ರಾರಂಭಿಸಿದೆ.
ಈ ಅಭಿಯಾನದ ಮೂಲಕ ಗ್ರಾಹಕರಲ್ಲಿ ವಿದ್ಯುತ್ ಚಾಲಿತ ವಾಹನ (ಇ.ವಿ) ಕುರಿತಾಗಿ ಇರುವ ಸುಳ್ಳುಗಳನ್ನು ತೊಡೆದು ಹಾಕುವ ಮೂಲಕ ಅರಿವು ಮೂಡಿಸಲಾಗುತ್ತಿದೆ. ಜೊತೆಗೆ, ವಾಹನಗಳ ಮಾಲೀಕರಲ್ಲಿ ವಿಶ್ವಾಸ ಬೆಳೆಸುವ ಗುರಿ ಹೊಂದಿದೆ.
ಈ ಅಭಿಯಾನವು ಕಳೆದ ವರ್ಷದ ಟಾಟಾ ಐಪಿಎಲ್ ಸಮಯದಲ್ಲಿ ಬಿಡುಗಡೆಯಾದ ಟಾಟಾ ಇ.ವಿಯ ಗೋ ಇ.ವಿ ಸರಣಿಯ ವಿಡಿಯೊಗಳ ವಿಸ್ತರಣೆಯಾಗಿದೆ. ಚಿಕ್ಕದಾಗಿ, ಸರಳವಾಗಿ ಸೊಗಸಾದ ಕಥೆ ಹೇಳುವ ಈ ಸರಣಿಯ ವಿಡಿಯೊಗಳು ಇ.ವಿಗಳಿಗೆ ಸಂಬಂಧಿಸಿದ ಸುಳ್ಳುಗಳನ್ನು ತೊಡೆದು ಹಾಕಲಿವೆ ಎಂದು ಕಂಪನಿ ತಿಳಿಸಿದೆ.
ದೂರದ ಪ್ರಯಾಣಕ್ಕೆ ಇ.ವಿಗಳು ಹೇಗೆ ಪರಿಪೂರ್ಣ ಎಂಬ ವಿಚಾರ ಕುರಿತು ಮೊದಲ ವಿಡಿಯೊ ಪ್ರಸಾರವಾಗಲಿದೆ. ಆ ಮೂಲಕ ಆತಂಕವನ್ನು ತೊಡೆದು ಹಾಕಲಾಗುತ್ತದೆ ಎಂದು ತಿಳಿಸಿದೆ.
ಟಾಟಾ ಇ.ವಿಯ ಪ್ರಮುಖ ಮೂರು ಆಧಾರ ಸ್ತಂಭಗಳಾದ ಸಮುದಾಯ, ತಂತ್ರಜ್ಞಾನ ಮತ್ತು ಸುಸ್ಥಿರತೆ ವಿಚಾರಗಳಿಗೆ ಅನುಗುಣವಾಗಿ ನಡೆಯುತ್ತಿರುವ ಈ ಅಭಿಯಾನವು ಇ.ವಿಗಳ ಬಳಕೆ ಹೆಚ್ಚಿಸುವ ಬದ್ಧತೆ ಹೊಂದಿದೆ. ಇದರ ಜೊತೆಗೆ ಈ ಅಭಿಯಾನವು ಖರೀದಿದಾರರ ವಿಶ್ವಾಸವನ್ನು ಹೆಚ್ಚಿಸುವ ಮೂಲಕ ಭಾರತದಲ್ಲಿ ಟಾಟಾ ಇ.ವಿಯ ಬಳಕೆಯನ್ನು ಹೆಚ್ಚಿಸುತ್ತದೆ ಎಂದು ಕಂಪನಿ ತಿಳಿಸಿದೆ.
ಕೇವಲ 20 ನಿಮಿಷ ಚಾರ್ಜ್ ಮಾಡುವ ಮೂಲಕ ಟಾಟಾ ಇ.ವಿಯಲ್ಲಿ 100 ಕಿ.ಮೀ ರೇಂಜ್ ಹೊಂದಬಹುದು
ಇ.ವಿಯ ಬ್ಯಾಟರಿ ಕೂಡ ಅದರ ವಾರಂಟಿ ಅವಧಿಯನ್ನು ಮೀರಿ ಬಾಳಿಕೆ ಬರುತ್ತದೆ
ಇ.ವಿಯಲ್ಲಿ ಕಡಿಮೆ ಭಾಗಗಳಿರುವುದರಿಂದ ನಿರ್ವಹಣಾ ವೆಚ್ಚ ಕಡಿಮೆ ಇರುತ್ತದೆ
ಪೆಟ್ರೋಲ್ ಬಳಕೆಯ ವಾಹನಕ್ಕೆ ಹೋಲಿಸಿದರೆ ಇ.ವಿಯಲ್ಲಿ 5 ವರ್ಷಗಳಲ್ಲಿ ₹4.2 ಲಕ್ಷಕ್ಕಿಂತ ಹೆಚ್ಚು ಉಳಿತಾಯ ಮಾಡಬಹುದು
ಭಾರತೀಯ ರಸ್ತೆಯಲ್ಲಿ 1.5 ಲಕ್ಷಕ್ಕೂ ಹೆಚ್ಚು ಟಾಟಾ ಇ.ವಿಗಳಿವೆ
ಭಾರತವು ಪ್ರಸ್ತುತ 12,000 ಸಾರ್ವಜನಿಕ ಚಾರ್ಜಿಂಗ್ ಕೇಂದ್ರಗಳನ್ನು ಹೊಂದಿದೆ
ಇ.ವಿಯ ಮೋಟರ್ ಮತ್ತು ಬ್ಯಾಟರಿ ಐಪಿ 67 ರೇಟಿಂಗ್ ಹೊಂದಿದೆ. ಇದು ವಾಟರ್ ಪ್ರೂಫ್ ಹಾಗೂ ಡಸ್ಟ್ ಪ್ರೂಫ್ ಆಗಿದೆ.
ಇ.ವಿ ಅನ್ನು ಮನೆಯಲ್ಲಿಯೇ ಸುಲಭವಾಗಿ ಚಾರ್ಜ್ ಮಾಡಬಹುದಾಗಿದೆ
ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.