ಪಿ.ಎಫ್. ಬಡ್ಡಿ: ಮಾ. 4ರಂದು ಚರ್ಚೆ ಸಾಧ್ಯತೆ

ನವದೆಹಲಿ: ನೌಕರರ ಭವಿಷ್ಯನಿಧಿ ಸಂಘಟನೆಯು (ಇಪಿಎಫ್‌ಒ) ಪಿ.ಎಫ್‌. ಠೇವಣಿಗಳಿಗೆ 2020–21ನೇ ಸಾಲಿಗೆ ನೀಡುವ ಬಡ್ಡಿ ದರ ಎಷ್ಟಿರಬೇಕು ಎಂಬ ವಿಚಾರವನ್ನು ಮಾರ್ಚ್‌ 4ರಂದು ಚರ್ಚೆಗೆ ಕೈಗೆತ್ತಿಕೊಳ್ಳುವ ಸಾಧ್ಯತೆ ಇದೆ.

ಸಂಘಟನೆಯ ಧರ್ಮದರ್ಶಿಗಳ ಸಭೆಯು ಮಾ. 4ರಂದು ಶ್ರೀನಗರದಲ್ಲಿ ನಡೆಯಲಿದೆ.

2020–21ನೇ ಸಾಲಿನ ಬಡ್ಡಿ ದರವನ್ನು ಸಂಘಟನೆಯು ತಗ್ಗಿಸುವ ಸಾಧ್ಯತೆ ಇದೆ ಎಂಬ ಮಾತುಗಳು ಇವೆ. 2019–20ನೇ ಸಾಲಿನ ಸಂಘಟನೆಯು ಪಿ.ಎಫ್‌. ಠೇವಣಿಗಳಿಗೆ ಶೇ 8.5ರಷ್ಟು ಬಡ್ಡಿ ನೀಡಿತ್ತು.