ಗೋ ಫಸ್ಟ್‌ ಖರೀದಿ ಆಸಕ್ತಿ: ಒಂದೂ ಅರ್ಜಿ ಸಲ್ಲಿಕೆ ಆಗಿಲ್ಲ!

ಮುಂಬೈ: ಗೋ ಫಸ್ಟ್‌ ಕಂಪನಿಯನ್ನು ಖರೀದಿಸುವ ಸಂಬಂಧ ಅರ್ಹ 40 ಹೂಡಿಕೆದಾರರು ವಿವರಗಳನ್ನು ಪಡೆದುಕೊಂಡಿದ್ದಾರೆ. ಆದರೆ ಖರೀದಿ ಆಸಕ್ತಿ ವ್ಯಕ್ತಪ‍ಡಿಸಿ ಯಾವುದೇ ಅರ್ಜಿ ಸಲ್ಲಿಕೆ ಆಗಿಲ್ಲ ಎಂದು ಬ್ಯಾಂಕಿಂಗ್‌ ಮೂಲಗಳು ಹೇಳಿವೆ.

ಕಂಪನಿಯನ್ನು ಖರೀದಿಸುವ ಆಸಕ್ತಿ ವ್ಯಕ್ತಪಡಿಸಿ ಅರ್ಜಿ ಸಲ್ಲಿಸಲು ಆಗಸ್ಟ್‌ 9ರ ಗಡುವು ನೀಡಲಾಗಿದೆ.

ಗೋ ಫಸ್ಟ್‌ ಕಂಪನಿಯಿಂದ ₹23,780 ಕೋಟಿ ಪಾವತಿ ಆಗಬೇಕಿದೆ ಎಂದು ಹಣಕಾಸು ಸಂಸ್ಥೆಗಳು ಗೋ ಫಸ್ಟ್‌ಗೆ ತಿಳಿಸಿವೆ ಎಂದು ಬ್ಯಾಂಕಿಂಗ್‌ ಮೂಲಗಳು ಹೇಳಿವೆ.

ದಿವಾಳಿ ಪ್ರಕ್ರಿಯೆ ನಿರ್ವಹಿಸಲು ನೇಮಕ ಆಗಿರುವ ವೃತ್ತಿಪರ ಅಧಿಕಾರಿಯು ಅದನ್ನು ದೃಢೀಕರಿಸಬೇಕಿದೆ. ಈ ಕುರಿತು ಅಧಿಕಾರಿಯು ಯಾವುದೇ ಪ್ರತಿಕ್ರಿಯೆ ನೀಡಿಲ್ಲ ಎಂದು ಸುದ್ದಿಸಂಸ್ಥೆಯು ತಿಳಿಸಿದೆ.