Gold and Silver Rate: ಚಿನ್ನದ ದರ ₹500, ಬೆಳ್ಳಿ ₹1 ಸಾವಿರ ಏರಿಕೆ

ನವದೆಹಲಿ: ಹಬ್ಬ ಮತ್ತು ಮದುವೆ ಋತುವಿನ ಅಂಗವಾಗಿ ಸತತ ಆರನೇ ದಿನವಾದ ಬುಧವಾರದ ವಹಿವಾಟಿನಲ್ಲೂ ಇಲ್ಲಿನ ಚಿನಿವಾರ ಪೇಟೆಯಲ್ಲಿ ಚಿನ್ನ ಮತ್ತು ಬೆಳ್ಳಿ ದರದಲ್ಲಿ ಏರಿಕೆಯಾಗಿದೆ.

10 ಗ್ರಾಂ ಚಿನ್ನದ ದರವು ₹500 ಹೆಚ್ಚಳವಾಗಿ ₹81,500ರಂತೆ ಮಾರಾಟವಾಗಿದೆ. ಬೆಳ್ಳಿ ಧಾರಣೆಯು ಕೆ.ಜಿಗೆ ₹1 ಸಾವಿರ ಏರಿಕೆಯಾಗಿ, ₹1.02 ಲಕ್ಷಕ್ಕೆ ಮುಟ್ಟಿದೆ ಎಂದು ಅಖಿಲ ಭಾರತ ಸರಾಫ್‌ ಅಸೋಸಿಯೇಷನ್‌ ತಿಳಿಸಿದೆ.

ಕಳೆದ 6 ದಿನದ ವಹಿವಾಟಿನಲ್ಲಿ ಬೆಳ್ಳಿ ದರವು ಕೆ.ಜಿಗೆ ₹10 ಸಾವಿರ ಏರಿಕೆಯಾಗಿದ್ದರೆ, 10 ಗ್ರಾಂ ಚಿನ್ನದ ದರದಲ್ಲಿ ₹2,850 ಹೆಚ್ಚಳವಾಗಿದೆ.