ಚಿನ್ನದ ದರ ₹3,350 ಇಳಿಕೆ

ನವದೆಹಲಿ: ಬಜೆಟ್‌ನಲ್ಲಿ ಚಿನ್ನ, ಬೆಳ್ಳಿ ಮೇಲಿನ ಕಸ್ಟಮ್ಸ್ ಸುಂಕ ಕಡಿತಗೊಳಿಸುವುದಾಗಿ ಪ್ರಕಟವಾದ ಬೆನ್ನಲ್ಲೇ, ಚಿನ್ನ ಮತ್ತು ಬೆಳ್ಳಿ ಧಾರಣೆಯಲ್ಲಿ ಭಾರಿ ಇಳಿಕೆಯಾಗಿದೆ.

ಇಲ್ಲಿನ ಚಿನಿವಾರ ಪೇಟೆಯಲ್ಲಿ ಮಂಗಳವಾರ ಚಿನ್ನದ ದರವು 10 ಗ್ರಾಂ ಗೆ ₹3,350 ಇಳಿಕೆಯಾಗಿ, ₹72,300ರಂತೆ ಮಾರಾಟವಾಗಿದೆ. ಬೆಳ್ಳಿ ಧಾರಣೆಯು ₹3,500 ಕಡಿಮೆಯಾಗಿ ₹87,500ಕ್ಕೆ ತಲು‍ಪಿದೆ.

ಕಳೆದ ಐದು ದಿನದ ವಹಿವಾಟಿನಲ್ಲಿ ಬೆಳ್ಳಿ ಧಾರಣೆ ₹6,900 ಇಳಿಕೆಯಾಗಿದ್ದರೆ, ಚಿನ್ನದ ದರವು ₹3,860 ಕಡಿಮೆಯಾಗಿದೆ.