ಕುಚ್ಚಿಲಕ್ಕಿ ರಫ್ತು ಸುಂಕ ಅವಧಿ ವಿಸ್ತರಣೆ

ನವದೆಹಲಿ (ಪಿಟಿಐ): ಕುಚ್ಚಿಲಕ್ಕಿ ರಫ್ತು ಮೇಲೆ ವಿಧಿಸಿರುವ ಶೇ 20ರಷ್ಟು ಸುಂಕವು 2024ರ ಮಾರ್ಚ್‌ 31ರವರೆಗೂ ಜಾರಿಯಲ್ಲಿ ಇರಲಿದೆ ಎಂದು ಕೇಂದ್ರ ಸರ್ಕಾರ ತಿಳಿಸಿದೆ.

ದೇಶದಲ್ಲಿ ಪೂರೈಕೆ ವ್ಯವಸ್ಥೆ ಸುಧಾರಿಸಲು ಮತ್ತು ಬೆಲೆ ನಿಯಂತ್ರಿಸುವ ಉದ್ದೇಶದಿಂದ ಕೇಂದ್ರ ಸರ್ಕಾರವು ಮೊದಲಿಗೆ ಆಗಸ್ಟ್‌ 25ರಿಂದ ಅಕ್ಟೋಬರ್ 16ರವರೆಗೆ ರಫ್ತು ಸುಂಕ ವಿಧಿಸಿತ್ತು. ಇದೀಗ ಮುಂದಿನ ವರ್ಷದ ಮಾರ್ಚ್‌ ಅಂತ್ಯದವರೆಗೂ ವಿಸ್ತರಣೆ ಮಾಡಿರುವುದಾಗಿ ಹಣಕಾಸು ಸಚಿವಾಲಯದ ಪ್ರಕಟಣೆಯಲ್ಲಿ ತಿಳಿಸಲಾಗಿದೆ.

ದೇಶವು ರಫ್ತು ಮಾಡುತ್ತಿರುವ ಅಕ್ಕಿಯಲ್ಲಿ ಬಾಸ್ಮತಿ ಹೊರತುಪಡಿಸಿ ಇತರ ಬಗೆಯ ಅಕ್ಕಿ ಪಾಲು ಶೇ 25ರಷ್ಟು ಇದೆ.