ಜಿಆರ್‌ಟಿ ಜುವೆಲರ್ಸ್‌ಗೆ ಪ್ರಶಸ್ತಿ

ಬೆಂಗಳೂರು: ಜಿಆರ್‌ಟಿ ಜುವೆಲರ್ಸ್‌ ಕಂಪನಿಯು ಈಚೆಗೆ ನಡೆದ ಎಫ್‌ಯುಆರ್‌ಎ ರಿಟೇಲ್‌ ಜುವೆಲರ್‌ ಇಂಡಿಯಾ ಅವಾರ್ಡ್‌–2023ರಲ್ಲಿ ‘ಬ್ರೈಡಲ್‌ ಸ್ಟೇಟ್ಮೆಂಟ್‌ ಜುವೆಲರಿ ಆಫ್‌ ದಿ ಇಯರ್‌’ ಪ್ರಶಸ್ತಿಯನ್ನು ತನ್ನದಾಗಿಸಿಕೊಂಡಿದೆ.

ವಿಶ್ವ ಚಿನ್ನ ಸಮಿತಿ (ಡಬ್ಲ್ಯುಜಿಸಿ) ಮತ್ತು ಸಾಲಿಟೇರ್‌ ಜೆಮೊಲಾಜಿಕಲ್‌ ಲ್ಯಾಬೊರೇಟರೀಸ್‌ ಪ್ರಾಯೋಜಕತ್ವದಲ್ಲಿ ನಡೆದ ಕಾರ್ಯಕ್ರಮದಲ್ಲಿ ಪ್ರಶಸ್ತಿ ನೀಡಲಾಯಿತು. ‘ನಮ್ಮ ಚಿನ್ನಾಭರಣಗಳಲ್ಲಿ ಸಂಪ್ರದಾಯ ಮತ್ತು ಆಧುನೀಕತೆಯ ಅಂಶಗಳನ್ನು ಹದವಾಗಿ ಬೆರೆಸುತ್ತೇವೆ. ಹೀಗಾಗಿ ಸ್ಪರ್ಧೆಯಲ್ಲಿ ಸದಾ ಮುಂಚೂಣಿಯಲ್ಲಿ ಇದ್ದೇವೆ’ ಎಂದು ಕಂಪನಿಯ ವ್ಯವಸ್ಥಾಪಕ ನಿರ್ದೇಶಕ ಜಿ.ಆರ್‌. ‘ಆನಂದ್‌’ ಅನಂತಪದ್ಮನಾಭನ್‌ ಅವರು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.