ಐಸಿಐಸಿಐ ಲೊಂಬಾರ್ಡ್ ಲಾಭ ಏರಿಕೆ

ಬೆಂಗಳೂರು: ಐಸಿಐಸಿಐ ಲೊಂಬಾರ್ಡ್ ಜನರಲ್ ಇನ್ಶೂರೆನ್ಸ್ ಕಂಪನಿ ಲಿಮಿಟೆಡ್‌, 2024–25ರ ಹಣಕಾಸು ವರ್ಷದ ಜೂನ್‌ ತ್ರೈಮಾಸಿಕದಲ್ಲಿ ತೆರಿಗೆ ನಂತರದ ಲಾಭ ₹580 ಕೋಟಿ ಗಳಿಸಿದೆ.

ಹಿಂದಿನ ಹಣಕಾಸು ವರ್ಷದ ಇದೇ ಅವಧಿಯಲ್ಲಿ ₹390 ಕೋಟಿ ಗಳಿಸಿತ್ತು. ಇದಕ್ಕೆ ಹೋಲಿಸಿದರೆ ಲಾಭದಲ್ಲಿ ಶೇ 48.7ರಷ್ಟು ಹೆಚ್ಚಳವಾಗಿದೆ ಎಂದು ಕಂಪನಿ ಪ್ರಕಟಣೆಯಲ್ಲಿ ತಿಳಿಸಿದೆ. 

ನಿವ್ವಳ ನೇರ ಪ್ರೀಮಿಯಂ ವರಮಾನವು (ಜಿಡಿಪಿಐ) ₹7,688 ಕೋಟಿ ಸಂಗ್ರಹವಾಗಿದ್ದು, ಶೇ 20ರಷ್ಟು ಏರಿಕೆಯಾಗಿದೆ. ತೆರಿಗೆ ಮುಂಚಿನ ಲಾಭ ಶೇ 48.8ರಷ್ಟು ಹೆಚ್ಚಳವಾಗಿದ್ದು, ₹774 ಕೋಟಿ ಸಂಗ್ರಹಿಸಿದೆ. 

ಸರಾಸರಿ ಈಕ್ವಿಟಿ ಮೇಲಿನ ಆದಾಯ (ಆರ್‌ಒಎಇ) ಶೇ 14.7 ರಿಂದ ಶೇ 19.1ಕ್ಕೆ ಏರಿಕೆಯಾಗಿದೆ ಎಂದು ತಿಳಿಸಿದೆ.