ಚಂದಾದಾರಿಕೆ ಆರಂಭಿಸಿದ 'ಜಿಯೊ ಸಿನಿಮಾ'

ನವದೆಹಲಿ: ಚಂದಾದಾರಿಕೆ ಆಧಾರದಲ್ಲಿ ಮನರಂಜನಾ ಕಾರ್ಯಕ್ರಮ ಒದಗಿಸಲು 'ಜಿಯೊ ಸಿನಿಮಾ' (JioCinema) ಆರಂಭಿಸಿದೆ. ಪ್ರೀಮಿಯಂ ಕಾರ್ಯಕ್ರಮಗಳ ಚಂದಾದಾರಿಕೆ ವರ್ಷಕ್ಕೆ ₹999 ಆಗಿರಲಿದೆ.

ಮನರಂಜನಾ ಕಾರ್ಯಕ್ರಮಗಳನ್ನು ಉಚಿತವಾಗಿ ನೀಡುವುದನ್ನು ನಿಲ್ಲಿಸುವ ಮೊದಲ ಹೆಜ್ಜೆ ಇದು. ಜಿಯೊ ಸಿನಿಮಾ ಈಗ ಐಪಿಎಲ್‌ ಸರಣಿಯನ್ನು ಉಚಿತವಾಗಿ ನೇರ ಪ್ರಸಾರ ಮಾಡುವ ಮೂಲಕ ಜನಪ್ರಿಯತೆ ಹೆಚ್ಚಿಸಿಕೊಂಡಿದೆ.

ಈಗ ಚಂದಾದಾರಿಕೆ ಇರುವುದು ಪ್ರೀಮಿಯಂ ಕಾರ್ಯಕ್ರಮಗಳಿಗೆ ಮಾತ್ರ. ಐಪಿಎಲ್‌ ವೀಕ್ಷಣೆಗೆ ಹಣ ಕೊಡಬೇಕಾಗಿಲ್ಲ.