ಜೊಮಾಟೊ: ಸಹ ಸಂಸ್ಥಾಪಕ ಗುಂಜನ್ ಪಾಟಿದಾರ್ ರಾಜೀನಾಮೆ

ನವದೆಹಲಿ: ಜೊಮಾಟೊ ಕಂಪನಿಯ ಸಹ ಸಂಸ್ಥಾಪಕ ಹಾಗೂ ಮುಖ್ಯ ತಾಂತ್ರಿಕ ಅಧಿಕಾರಿ ಗುಂಜನ್ ಪಾಟಿದಾರ್ ಅವರು ತಮ್ಮ ಹುದ್ದೆ ತೊರೆದಿದ್ದಾರೆ ಎಂದು ಕಂಪನಿ ತಿಳಿಸಿದೆ.

‘ಜೊಮಾಟೊ ಕಟ್ಟುವಲ್ಲಿ ಅವರ ಕೊಡುಗೆ ಬೆಲೆ ಕಟ್ಟಲು ಸಾಧ್ಯವಿಲ್ಲದ್ದು’ ಎಂದು ಕಂಪನಿ ಹೇಳಿದೆ. ಅವರ ರಾಜೀನಾಮೆಗೆ ಕಾರಣವನ್ನು ಕಂಪನಿ ತಿಳಿಸಿಲ್ಲ.

ಕಂಪನಿಯ ತಂತ್ರಜ್ಞಾನ ವ್ಯವಸ್ಥೆಯನ್ನು ರೂಪಿಸಿದವರಲ್ಲಿ ಪಾಟಿದಾರ್‌ ಅವರೂ ಒಬ್ಬರು.