ಅಲ್ಪಾವಧಿಯ ಕೋವಿಡ್–19 ವಿಮೆ ನೀಡಲು ಐಆರ್‌ಡಿಎಐ ಅನುಮತಿ

ನವದೆಹಲಿ: ಕೊರೊನಾ ವೈರಸ್ ಸೋಂಕಿನ ಮೇಲೆ 3 ತಿಂಗಳುಗಳಿಂದ 11 ತಿಂಗಳುಗಳ ವರೆಗಿನ ಅವಧಿಯ ವಿಮೆ ಸೌಲಭ್ಯ ಒದಗಿಸಲು ಆರೋಗ್ಯ ವಿಮೆ ಮತ್ತು ಇತರ ವಿಮಾ ಕಂಪೆನಿಗಳಿಗೆ ಭಾರತೀಯ ವಿಮಾ ನಿಯಂತ್ರಣ ಮತ್ತು ಅಭಿವೃದ್ಧಿ ಪ್ರಾಧಿಕಾರವು (ಐಆರ್‌ಡಿಎಐ) ಅನುಮತಿ ನೀಡಿದೆ.

ಅಲ್ಪಾವಧಿ ವಿಮಾ ಸೌಲಭ್ಯದ ಅವಧಿ 3 ತಿಂಗಳಿನಿಂದ 11 ತಿಂಗಳುಗಳವರೆಗೆ ಇರಬಹುದಾಗಿದೆ. 3 ತಿಂಗಳಿನಿಂದ ಕಡಿಮೆ ಅವಧಿಗೆ ವಿಮೆ ಒದಗಿಸುವ ಅಂತಿಲ್ಲ ಎಂದು ಐಆರ್‌ಡಿಎಐ ಹೇಳಿದೆ.

ಈ ಅಲ್ಪಾವಧಿಯ ವಿಮಾ ಸೌಲಭ್ಯದಲ್ಲಿ ಕಾಯುವಿಕೆಯ ಅವಧಿ 15 ದಿನಗಳನ್ನು ಮೀರಬಾರದು. ಕೊರೊನಾ ವೈರಸ್ ಸೋಂಕನ್ನು ಗಮನದಲ್ಲಿಟ್ಟುಕೊಂಡೇ ಅಲ್ಪಾವಧಿಯ ಆರೋಗ್ಯ ವಿಮೆ ನೀಡಲು ಅನುಮತಿ ನೀಡಲಾಗಿದೆ ಎಂದು ಐಆರ್‌ಡಿಎಐ ಹೇಳಿದೆ.

ಇದನ್ನೂ ಓದಿ:ಹರಡುತ್ತಿದೆ ಕೊರೊನಾ: ದುರಿತ ಕಾಲಕ್ಕೆ ಬೇಕು ಆರೋಗ್ಯ ವಿಮೆಯ ಆಸರೆ