ಅಮೆಜಾನ್ ಸಿಇಒ ಹುದ್ದೆ ಬಿಟ್ಟು ತೆರಳಿದ ಜೆಫ್ ಬೆಜೋಸ್
Published 4 ಜುಲೈ 2021, 10:35 IST
ಜೆಫ್ ಬೆಜೋಸ್
ನ್ಯೂಯಾರ್ಕ್: ಪ್ರಸಿದ್ಧ ಇ ಕಾಮರ್ಸ್ ತಾಣ ಅಮೆಜಾನ್‌ನ ಮುಖ್ಯ ಕಾರ್ಯನಿರ್ವಹಣಾಧಿಕಾರಿ (ಸಿಇಒ) ಹುದ್ದೆಯಿಂದ ಜೆಫ್ ಬೆಜೋಸ್ ನಿರ್ಗಮಿಸುತ್ತಿದ್ದಾರೆ.
ಅಮೆಜಾನ್ ಸಿಇಒ ಸ್ಥಾನವನ್ನು ಜುಲೈ 5ರಂದು ಆಂಡಿ ಜಾಸಿಗೆ ಜೆಫ್ ಬೆಜೋಸ್ ಹಸ್ತಾಂತರಿಸಲಿದ್ದಾರೆ. ನಂತರ ಜೆಫ್, ಖಾಸಗಿ ಬಾಹ್ಯಾಕಾಶ ಯಾನ ಯೋಜನೆ ಹಾಗೂ ಇತರ ಕೆಲವೊಂದು ಕಾರ್ಯಕ್ರಮಗಳಲ್ಲಿ ತೊಡಗಿಸಿಕೊಳ್ಳುವ ಯೋಚನೆ ಹೊಂದಿದ್ದಾರೆ.
ಸಿಇಒ ಹುದ್ದೆಯಿಂದ ನಿರ್ಗಮಿಸಿದರೂ, ಅಮೆಜಾನ್‌ನಲ್ಲಿ ಮುಖ್ಯ ಸ್ಥಾನವೊಂದರಲ್ಲಿ ಜೆಫ್ ಮುಂದುವರಿಯಲಿದ್ದಾರೆ.
27 ವರ್ಷದ ಹಿಂದೆ ಸಣ್ಣದಾಗಿ, ಪುಸ್ತಕ ಮಾರಾಟದ ಆನ್‌ಲೈನ್ ತಾಣ ಅಮೆಜಾನ್ ಅನ್ನು ರೂಪಿಸಿದ್ದ ಜೆಫ್, ನಂತರದಲ್ಲಿ ವಿವಿಧ ಹಂತಗಳ ಉದ್ಯಮ ವಿಸ್ತರಣೆ ಮಾಡಿದ್ದು, ಪ್ರಸ್ತುತ ಅಮೆಜಾನ್ ಜಗತ್ತಿನ ಅತ್ಯಂತ ಪ್ರಮುಖ ಮತ್ತು ಅತಿ ದೊಡ್ಡ ಜಾಲ ಹೊಂದಿರುವ ಇ ಕಾಮರ್ಸ್ ತಾಣವಾಗಿ ಬೆಳೆದು ನಿಂತಿದೆ.
ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.