ಐ.ಟಿ ಉದ್ಯೋಗ ನೇಮಕಾತಿ ಚೇತರಿಕೆ

ಮುಂಬೈ: ಸೆಪ್ಟೆಂಬರ್‌ನಲ್ಲಿ ಕಚೇರಿ ಅಥವಾ ಆಡಳಿತ ವಿಭಾಗದಲ್ಲಿನ ಉದ್ಯೋಗದ (ವೈಟ್‌ ಕಾಲರ್‌) ನೇಮಕಾತಿಯಲ್ಲಿ ಶೇ 6ರಷ್ಟು ಏರಿಕೆಯಾಗಿದೆ. ಐ.ಟಿ ವಲಯದಲ್ಲಿನ ನೇಮಕಾತಿಯು ಚೇತರಿಕೆ ಕಂಡಿದೆ ಎಂದು ನೌಕರಿ ಡಾಟ್‌ ಕಾಂ ವರದಿ ಗುರುವಾರ ತಿಳಿಸಿದೆ.

ಐ.ಟಿ ವಲಯದಲ್ಲಿ ನೇಮಕಾತಿ ಪ್ರಮಾಣವು ಶೇ 18ರಷ್ಟು ಹೆಚ್ಚಳವಾಗಿದೆ ಎಂದು ತಿಳಿಸಿದೆ.

ಯೂನಿಕಾರ್ನ್‌ ಮತ್ತು ಬಹುರಾಷ್ಟ್ರೀಯ ಕಂಪನಿಗಳಲ್ಲಿ ನೇಮಕಾತಿಯು ಕ್ರಮವಾಗಿ ಶೇ 16 ಮತ್ತು ಶೇ 14ರಷ್ಟು ಏರಿಕೆಯಾಗಿದೆ. ಎಫ್‌ಎಂಸಿಜಿ ಶೇ 23 ಮತ್ತು ತೈಲ ಮತ್ತು ಅನಿಲ ವಲಯದಲ್ಲಿ ಶೇ 13ರಷ್ಟು ಬೆಳವಣಿಗೆಯಾಗಿದೆ ಎಂದು ವಿವರಿಸಿದೆ.