ಎಲ್‌ಐಸಿ, ಅಂಚೆ ಇಲಾಖೆ ನಡುವೆ ಒಪ್ಪಂದ

ಬೆಂಗಳೂರು: ಭಾರತೀಯ ಜೀವ ವಿಮಾ ನಿಗಮದ (ಎಲ್‌ಐಸಿ) ಜೀವ ವಿಮೆ ಪಾಲಿಸಿ ಖರೀದಿಸುವವರಿಗೆ ನೀಡುವ ಪುಸ್ತಿಕೆಯನ್ನು ಮುದ್ರಿಸಿ, ಅದನ್ನು ರವಾನೆ ಮಾಡುವ ಹೊಣೆಯನ್ನು ಅಂಚೆ ಇಲಾಖೆ ವಹಿಸಿಕೊಂಡಿದೆ.

ಈ ವಿಚಾರವಾಗಿ ಎಲ್‌ಐಸಿ ಮತ್ತು ಅಂಚೆ ಇಲಾಖೆ ನಡುವೆ ಒಪ್ಪಂದ ಆಗಿದೆ. ಎಲ್‌ಐಸಿ ಅಧ್ಯಕ್ಷ ಎಂ.ಆರ್. ಕುಮಾರ್ ಹಾಗೂ ಇತರ ಹಿರಿಯ ಅಧಿಕಾರಿಗಳ ಸಮ್ಮುಖದಲ್ಲಿ ಈ ಒಪ್ಪಂದಕ್ಕೆ ಸಹಿ ಹಾಕಲಾಗಿದೆ ಎಂದು ಎಲ್‌ಐಸಿ ಪ್ರಕಟಣೆ ತಿಳಿಸಿದೆ.