ಎಎಂಆರ್‌ಐ ಹಾಸ್ಪಿಟಲ್ಸ್‌ನ ಶೇ 84ರಷ್ಟು ಷೇರು ಮಣಿಪಾಲ್ ಹಾಸ್ಟಿಟಲ್ಸ್‌ ತೆಕ್ಕೆಗೆ

ನವದೆಹಲಿ: ಇಮಾಮಿ ಸಮೂಹದ ಎಎಂಆರ್‌ಐ ಹಾಸ್ಪಿಟಲ್ಸ್‌ ಲಿಮಿಟೆಡ್‌ನ ಶೇ 84ರಷ್ಟು ಷೇರುಗಳನ್ನು ಸ್ವಾಧೀನಪಡಿಸಿಕೊಂಡಿರುವುದಾಗಿ ಮಣಿಪಾಲ್‌ ಹಾಸ್ಟಿಟಲ್ಸ್‌ ಬುಧವಾರ ತಿಳಿಸಿದೆ. ಸ್ವಾಧೀನದ ಮೊತ್ತವನ್ನು ತಿಳಿಸಿಲ್ಲ.

ಇಮಾಮಿ ಸಮೂಹವು ಎಎಂಆರ್‌ಐ ಹಾಸ್ಪಿಟಲ್ಸ್‌ನಲ್ಲಿ ಶೇ 15ರಷ್ಟು ಷೇರುಪಾಲು ಉಳಿಸಿಕೊಳ್ಳಲಿದ್ದು, ಹೂಡಿಕೆದಾರ ಆಗಿ ಮುಂದುವರಿಯಲಿದೆ. ಪೂರ್ವ ಬಾಗದಲ್ಲಿ ಮಣಿಪಾಲ್‌ ಹಾಸ್ಟಿಟಲ್ಸ್‌ನ ವಹಿವಾಟು ವಿಸ್ತರಣೆಗೆ ಈ ಸ್ವಾಧೀನವು ನೆರವಾಗಲಿದೆ ಎಂದು ಪ್ರಕಟಣೆಯಲ್ಲಿ ತಿಳಿಸಿದೆ.

ಪಶ್ಚಿಮ ಬಂಗಾಳ ಸರ್ಕಾರವು ಎಎಂಆರ್‌ಐ ಹಾಸ್ಪಿಟಲ್ಸ್‌ನಲ್ಲಿ ಶೇ 1ರಷ್ಟು ಷೇರುಪಾಲನ್ನು ಹೊಂದಿದೆ ಎಂದೂ ಹೇಳಿದೆ.