ಮೈಂಡ್‌ಟ್ರೀ ಮೇಲೆ ಎಲ್‌ಆ್ಯಂಡ್‌ಟಿ ಹಿಡಿತ ಬಿಗಿ

ಬೆಂಗಳೂರು (ರಾಯಿಟರ್ಸ್‌): ನಿರ್ಮಾಣ ವಲಯದ ಲಾರ್ಸನ್‌ ಆ್ಯಂಡ್‌ ಟೂಬ್ರೊ (ಎಲ್‌ಆ್ಯಂಡ್‌ಟಿ) ಸಂಸ್ಥೆಯು ಮೈಂಡ್‌ಟ್ರೀ ಕಂಪನಿಯ ಮೇಲೆ ಹೆಚ್ಚಿನ ನಿಯಂತ್ರಣ ಸಾಧಿಸಿದೆ.

ಮೈಂಡ್‌ಟ್ರೀನಲ್ಲಿನ ಒಟ್ಟಾರೆ ಷೇರುಪಾಲನ್ನು ಶೇ 51ಕ್ಕೆ ಹೆಚ್ಚಿಸಿಕೊಳ್ಳುವ ಮೂಲಕ ಕಂಪನಿಯ ಮೇಲೆ ಹೆಚ್ಚಿನ ಹಿಡಿತ ಸಾಧಿಸಿದೆ ಎಂದು ಸಿಎನ್‌ಬಿಸಿ ಟಿವಿ 18 ಸುದ್ದಿ ಸಂಸ್ಥೆಯ ವರದಿಯನ್ನು ಆಧರಿಸಿ ಮಾಹಿತಿ ನೀಡಲಾಗಿದೆ.

ಈ ಕುರಿತು ಪ್ರತಿಕ್ರಿಯೆ ನೀಡಲು ಎಲ್‌ಆ್ಯಂಡ್‌ಟಿ ನಿರಾಕರಿಸಿದೆ. ಮೈಂಡ್‌ಟ್ರೀ ಸಂಪರ್ಕ ಸಾಧಿಸಲು ಸಾಧ್ಯವಾಗಿಲ್ಲ ಎಂದು ಮೂಲಗಳು ಹೇಳಿವೆ.