ಮಹೀಂದ್ರ ಲಾಭ ಶೇ 56ರಷ್ಟು ಹೆಚ್ಚಳ

ಮುಂಬೈ (ಪಿಟಿಐ): ಮಹೀಂದ್ರ ಆ್ಯಂಡ್‌ ಮಹೀಂದ್ರ ಕಂಪನಿಯು ಪ್ರಸಕ್ತ ಹಣಕಾಸು ವರ್ಷದ ಜೂನ್‌ ತ್ರೈಮಾಸಿಕದಲ್ಲಿ ₹3,683 ಕೋಟಿಯಷ್ಟು ತೆರಿಗೆ ನಂತರದ ಲಾಭ ಗಳಿಸಿದೆ. ಹಿಂದಿನ ಹಣಕಾಸು ವರ್ಷದಲ್ಲಿ ಗಳಿಸಿದ್ದ ಲಾಭಕ್ಕೆ ಹೋಲಿಸಿದರೆ (₹2,360 ಕೋಟಿ) ಈ ಬಾರಿ ಲಾಭವು ಶೇ 56ರಷ್ಟು ಹೆಚ್ಚಾಗಿದೆ.

ಕಾರ್ಯಾಚರಣಾ ವರಮಾನ ಶೇ 17.57ರಷ್ಟು ಏರಿಕೆ ಕಂಡು ₹33,406 ಕೋಟಿಗೆ ತಲುಪಿದೆ ಎಂದು ಕಂಪನಿಯು ಷೇರುಪೇಟೆಗೆ ಮಾಹಿತಿ ನೀಡಿದೆ. ಒಟ್ಟು ವೆಚ್ಚವು ₹26,195 ಕೋಟಿಯಿಂದ ₹30,492 ಕೋಟಿಗೆ ಏರಿಕೆ ಕಂಡಿದೆ.