ಎನ್‌ಡಿಟಿವಿ: ಹಿರಿಯ ಅಧಿಕಾರಿಗಳ ರಾಜೀನಾಮೆ

ನವದೆಹಲಿ: ಎನ್‌ಡಿಟಿವಿಯ ಮೂವರು ಹಿರಿಯ ಅಧಿಕಾರಿಗಳು ತಮ್ಮ ಹುದ್ದೆಗೆ ರಾಜೀನಾಮೆ ನೀಡಿದ್ದಾರೆ. ಅದಾನಿ ಸಮೂಹವು ಎನ್‌ಡಿಟಿವಿಯನ್ನು ಸ್ವಾಧೀನಪಡಿಸಿಕೊಂಡ ನಂತರದಲ್ಲಿ ಈ ಬೆಳವಣಿಗೆ ನಡೆದಿದೆ.

ಎನ್‌ಡಿಟಿವಿ ಸಮೂಹದ ಅಧ್ಯಕ್ಷೆ ಸುಪರ್ಣಾ ಸಿಂಗ್, ಮುಖ್ಯ ಯೋಜನಾ ಅಧಿಕಾರಿ ಅರಿಜಿತ್‌ ಚಟರ್ಜಿ ಮತ್ತು ಮುಖ್ಯ ತಾಂತ್ರಿಕ ಮತ್ತು ಉತ್ಪನ್ನ ಅಧಿಕಾರಿ ಕವಲ್ಜಿತ್‌ ಸಿಂಗ್ ಬೇಡಿ ರಾಜೀನಾಮೆ ನೀಡಿದ್ದಾರೆ ಎಂದು ಕಂಪನಿಯು ಷೇರುಪೇಟೆಗೆ ಮಾಹಿತಿ ನೀಡಿದೆ.