ಏರ್‌ಟೆಲ್‌ನಿಂದ ಹೊಸ ಕೊಡುಗೆ: ಅನ್‌ಲಿಮಿಟೆಡ್‌ ಬ್ರಾಡ್‌ಬ್ಯಾಂಡ್‌ ಪ್ಲಾನ್‌ ಘೋಷಣೆ

ನವದೆಹಲಿ: ಜಿಯೊ ಕಂಪನಿಯು ಫೈಬರ್‌ ಬ್ರಾಡ್‌ಬ್ಯಾಂಡ್‌ ಸಂಪರ್ಕ ಪಡೆದವರಿಗೆ ಕಡಿಮೆ ದರಕ್ಕೆ ಅನಿಯಮಿತ ಪ್ಲ್ಯಾನ್‌ಗಳನ್ನು ಕೊಡಲು ಆರಂಭಿಸಿರುವ ಬೆನ್ನಲ್ಲೇ ಏರ್‌ಟೆಲ್‌ ಕೂಡ ತನ್ನ ಬ್ರಾಡ್‌ಬ್ಯಾಂಡ್ ಬಳಕೆದಾರರಿಗೆ ಇಂತಹ ಪ್ಲ್ಯಾನ್‌ಗಳನ್ನು ಪ್ರಕಟಿಸಿದೆ.

ಆರಂಭಿಕ ಪ್ಲ್ಯಾನ್‌ನ ಶುಲ್ಕ ₹ 499. ಇದರಲ್ಲಿ 40 ಎಂಬಿಪಿಎಸ್‌ ವೇಗದ ಇಂಟರ್ನೆಟ್‌ ಸಂಪರ್ಕ ಸಿಗಲಿದೆ. ₹ 799, ₹ 999 ಮತ್ತು ₹ 1,499 ಬೆಲೆಯ ಯೋಜನೆಗಳನ್ನೂ ಪ್ರಕಟಿಸಿದೆ. ₹ 999ರಿಂದ ₹ 3,999ರ ನಡುವಿನ ಪ್ಲ್ಯಾನ್‌ಗಳ ಜತೆ ಡಿಸ್ನಿ+ಹಾಟ್‌ಸ್ಟಾರ್‌, ಅಮೆಜಾನ್‌ ಪ್ರೈಮ್‌ ವಿಡಿಯೊ ಮತ್ತು ಜೀ5 ಕೂಡ ಲಭ್ಯವಾಗಲಿವೆ.