ವಿಮೆ ಮಾರಾಟಕ್ಕೆ ಫೋನ್‌ಪೆಗೆ ಅನುಮತಿ

ನವದೆಹಲಿ: ಡಿಜಿಟಲ್ ಪಾವತಿ ವೇದಿಕೆ ಫೋನ್‌ಪೆ ತನಗೆ ವಿಮಾ ಉತ್ಪನ್ನಗಳನ್ನು ಮಾರಾಟ ಮಾಡಲು ಭಾರತೀಯ ವಿಮಾ ನಿಯಂತ್ರಣ ಮತ್ತು ಅಭಿವೃದ್ಧಿ ಪ್ರಾಧಿಕಾರದ (ಐಆರ್‌ಡಿಎಐ) ತಾತ್ವಿಕ ಅನುಮತಿ ದೊರೆತಿದೆ ಎಂದು ಸೋಮವಾರ ಹೇಳಿದೆ.

ಇದರ ಪರಿಣಾಮವಾಗಿ ಫೋನ್‌ಪೆ ಇನ್ನು ಮುಂದೆ ತನ್ನ 30 ಕೋಟಿಗಿಂತ ಹೆಚ್ಚಿನ ಗ್ರಾಹಕರಿಗೆ ವಿಮಾ ಸಲಹೆಗಳನ್ನು ನೀಡುವ ಅವಕಾಶ ಪಡೆದಿದೆ. ದೇಶದ ಯಾವುದೇ ವಿಮಾ ಕಂಪನಿಯ ವಿಮಾ ಉತ್ಪನ್ನಗಳ ವಿತರಣೆ ಮಾಡಲು ಫೋನ್‌ಪೆ ಅಧಿಕಾರ ಹೊಂದಿದೆ.