ಸ್ಥಳೀಯ ಕರೆನ್ಸಿಗೆ ಉತ್ತೇಜನ: ಭಾರತ–ಮಾಲ್ದೀವ್ಸ್ ಸಹಿ

ಮುಂಬೈ: ಭಾರತ ಹಾಗೂ ಮಾಲ್ದೀವ್ಸ್‌, ಉಭಯ ರಾಷ್ಟ್ರಗಳ ವ್ಯಾಪಾರ ವಹಿವಾಟಿನಲ್ಲಿ ಸ್ಥಳೀಯ ಕರೆನ್ಸಿಗಳ ಬಳಕೆಗೆ ಉತ್ತೇಜನ ನೀಡಲು ಮುಂದಾಗಿವೆ.

ಈ ಕುರಿತು ಗುರುವಾರ ಭಾರತೀಯ ರಿಸರ್ವ್‌ ಬ್ಯಾಂಕ್‌ನ ಗವರ್ನರ್‌ ಶಕ್ತಿಕಾಂತ ದಾಸ್‌ ಹಾಗೂ ಮಾಲ್ದೀವ್ಸ್‌ ಹಣಕಾಸು ಪ್ರಾಧಿಕಾರದ ಗವರ್ನರ್‌ ಅಹಮದ್ ಮುನಾವರ್ ಒಡಂಬಡಿಕೆಗೆ ಸಹಿ ಹಾಕಿದ್ದಾರೆ.

ಚಾಲ್ತಿ ಖಾತೆ ವಹಿವಾಟು ಸೇರಿ ಇತರೆ ಹಣಕಾಸು ವಹಿವಾಟುಗಳನ್ನು ಭಾರತೀಯ ರೂಪಾಯಿ ಮತ್ತು ಮಾಲ್ದೀವ್ಸ್ ಕರೆನ್ಸಿ ಮಾಲ್ಡೀವಿಯನ್ ರುಫಿಯಾ (ಎಂವಿಆರ್‌) ಮೂಲಕ ನಡೆಸಲು ಈ ಒಪ್ಪಂದದಿಂದ ನೆರವಾಗಲಿದೆ ಎಂದು ಆರ್‌ಬಿಐ ತಿಳಿಸಿದೆ.