ಪೇಟಿಎಂ ಪೇಮೆಂಟ್ಸ್ ಬ್ಯಾಂಕ್‌ ಸಿಇಒ ರೇಣು ಸತ್ತಿ ರಾಜೀನಾಮೆ

ನವದೆಹಲಿ: ಪೇಟಿಎಂ ಪೇಮೆಂಟ್ಸ್‌ ಬ್ಯಾಂಕ್‌ನ ಸಿಇಒ ರೇಣು ಸತ್ತಿ ಅವರು ರಾಜೀನಾಮೆ ನೀಡಿದ್ದಾರೆ.

ಪೇಟಿಎಂನಲ್ಲಿ ಆರಂಭವಾಗಲಿರುವ ಹೊಸ ಚಿಲ್ಲರೆ ಸೇವೆ ವಿಭಾಗದ ಸಿಒಒ ಆಗಲಿರುವುದರಿಂದ ಸತ್ತಿ ಅವರು ರಾಜೀನಾಮೆ ನೀಡಿದ್ದಾರೆ. ಶೀಘ್ರವೇ ಹೊಸ ಸಿಇಒ ನೇಮಿಸಲಾಗವುದು ಎಂದು ಪೇಟಿಇಂ ತಿಳಿಸಿದೆ.

2017ರ ಮೇ ತಿಂಗಳಿನಲ್ಲಿ ಅವರು ಸಿಇಒ ಆಗಿ ಅಧಿಕಾರ ಸ್ವೀಕರಿಸಿದ್ದರು.

‘ಗ್ರಾಹಕರು ತಮಗೆ ಹತ್ತಿರದಲ್ಲೇ ಇರುವ ಔಷಧ, ದಿನಸಿ ಅಂಗಡಿಗಳಿಂದ ತಕ್ಷಣಕ್ಕೆ ಉತ್ಪನ್ನಗಳನ್ನು ತರಿಸಿಕೊಳ್ಳಲುಈ ಚಿಲ್ಲರೆ ಸೇವೆ ಅನುಕೂಲ ಮಾಡಿಕೊಡಲಿದೆ’ ಎಂದು ಪೇಟಿಎಂ ಸ್ಥಾಪಕ ವಿಜಯ ಶೇಖರ ಶರ್ಮಾ ತಿಳಿಸಿದ್ದಾರೆ.