ಚಲಾವಣೆಯಲ್ಲಿರುವ ₹500 ನೋಟುಗಳ ಸಂಖ್ಯೆ ಎಷ್ಟಿದೆ?: ಇಲ್ಲಿದೆ ಆರ್‌ಬಿಐ ಮಾಹಿತಿ

ನವದೆಹಲಿ: 2024ರ ಮಾರ್ಚ್ ಅಂತ್ಯದ ವೇಳೆಗೆ ದೇಶದ ಸಂಪೂರ್ಣ ಕರೆನ್ಸಿ ಪೈಕಿ ₹500 ಮುಖಬೆಲೆಯ ನೋಟುಗಳ ಪ್ರಮಾಣ ಶೇಕಡ 86.5ಕ್ಕೆ ಏರಿಕೆಯಾಗಿದೆ ಎಂದು ಭಾರತೀಯ ರಿಸರ್ವ್ ಬ್ಯಾಂಕ್(ಆರ್‌ಬಿಐ) ವಾರ್ಷಿಕ ವರದಿಯಲ್ಲಿ ತಿಳಿಸಿದೆ.

ಕಳೆದ ವರ್ಷ ಇದೇ ಅವಧಿಯಲ್ಲಿ ₹500 ಮುಖಬೆಲೆಯ ನೋಟುಗಳ ಪ್ರಮಾಣ ಶೇಕಡ 77.1ರಷ್ಟಿತ್ತು ಎಂದು ಆರ್‌ಬಿಐ ಹೇಳಿದೆ.

2023ರ ಮೇ ತಿಂಗಳಿನಲ್ಲಿ ₹2,000 ನೋಟುಗಳನ್ನು ಹಿಂಪಡೆಯವ ಆದೇಶ ಮಾಡಿದ ಬಳಿಕ ಈ ಮುಖಬೆಲೆಯ ನೋಟುಗಳ ಪ್ರಮಾಣ ಶೇಕ 10.8ರಿಂದ 0.2ಕ್ಕೆ ಇಳಿದಿದೆ ಎಂದು ಅದು ಹೇಳಿದೆ.

ಚಲಾವಣೆಯಲ್ಲಿರುವ ₹500 ಮುಖಬೆಲೆಯ ನೋಟುಗಳ ಸಂಖ್ಯೆ ಅತ್ಯಧಿಕ 5.16 ಲಕ್ಷದಷ್ಟಿದ್ದು, ₹10 ಮುಖಬೆಲೆಯ ನೋಟುಗಳ ಸಂಖ್ಯೆ 2.49 ಲಕ್ಷದಷ್ಟಿದ್ದು, 2ನೇ ಸ್ಥಾನದಲ್ಲಿದೆ ಎಂದು ಆರ್‌ಬಿಐ ವಾರ್ಷಿಕ ವರದಿಯಲ್ಲಿ ಉಲ್ಲೇಖಿಸಲಾಗಿದೆ.

ಎರಡೂ ನೋಟುಗಳ ಚಲಾವಣೆಯ ಮೌಲ್ಯ ಮತ್ತು ಪ್ರಮಾಣವು ಕ್ರಮವಾಗಿ ಶೇಕಡ 3.9 ಮತ್ತು 7.8ರಷ್ಟು ಹೆಚ್ಚಳವಾಗಿದೆ.