ಶಾರ್ಪ್‌: ಏರ್‌ ಕಂಡಿಷನರ್‌ ಮಾರಾಟ
Published 13 ಮಾರ್ಚ್ 2019, 19:57 IST
ಸಾಂದರ್ಭಿಕ ಚಿತ್ರ
ಬೆಂಗಳೂರು: ಜಪಾನಿನ ಶಾರ್ಪ್‌ ಕಾರ್ಪೊರೇಷನ್‌, ತನ್ನ ಪ್ಲಾಸ್ಮಾಕ್ಲಸ್ಟರ್‌ ತಂತ್ರಜ್ಞಾನದ ಏರ್‌ಕಂಡಿಷನರ್‌ಗಳನ್ನು ಭಾರತದಲ್ಲಿ ಮಾರಾಟ ಮಾಡಲಿದೆ.
ಈ ಉದ್ದೇಶಕ್ಕೆ ಎಲ್‌ಟೆಕ್‌ ಅಪ್ಲೈಯನ್ಸಸ್‌ ಪ್ರೈವೇಟ್‌ ಲಿಮಿಟೆಡ್‌ (ಇಎಪಿಎಲ್‌) ಜತೆ ಒಪ್ಪಂದ ಮಾಡಿಕೊಂಡಿದೆ. ಈ ಒಪ್ಪಂದವು ತಕ್ಷಣಕ್ಕೆ ಜಾರಿಗೆ ಬರಲಿದೆ. ಕಲುಷಿತ ವಾತಾವರಣದಲ್ಲಿನ ಸೂಕ್ಷ್ಮಜೀವಿ ಮತ್ತು ಅಲರ್ಜಿಗೆ ಕಾರಣವಾಗುವ ಸೂಕ್ಷ್ಮ ಕಣಗಳನ್ನು ಬೇರ್ಪಡಿಸಿ ಶುದ್ಧ ಗಾಳಿ ಒದಗಿಸುವ ಪ್ಲಾಸ್ಮಾಕ್ಲಸ್ಟರ್‌ ತಂತ್ರಜ್ಞಾನ ಬಳಸಿ ಈ ಏರ್‌ಕಂಡಿಷನರ್‌ಗಳನ್ನು ತಯಾರಿಸಲಾಗಿದೆ..
‘ಭಾರತದ ಮಾರುಕಟ್ಟೆಯಲ್ಲಿ ಏರ್‌ಕಂಡಿಷನರ್‌ಗಳ ಮಾರಾಟ ಗಮನಾರ್ಹವಾಗಿ ಬೆಳೆಯುತ್ತಿದೆ. ಈ ಒಪ್ಪಂದವು ಎರಡೂ ಸಂಸ್ಥೆಗಳಿಗೆ ಲಾಭದಾಯಕವಾಗಿರಲಿದೆ’ ಎಂದು ಶಾರ್ಪ್‌ನ ಜಾಗತಿಕ ಆರೋಗ್ಯ ವಿಭಾಗದ ಉಪಾಧ್ಯಕ್ಷ ನಕಶಿಮಾ ಹೇಳಿದ್ದಾರೆ.
ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.