ಬ್ಯಾಂಕ್ ಖಾಸಗೀಕರಣ: ವಿಆರ್‌ಎಸ್‌ ಜಾರಿ ಸಾಧ್ಯತೆ

ನವದೆಹಲಿ: ಖಾಸಗಿಯವರಿಗೆ ಮಾರಾಟ ಆಗಲಿರುವ ಎರಡು ರಾಷ್ಟ್ರೀಕೃತ ಬ್ಯಾಂಕ್‌ಗಳು ತಮ್ಮ ನೌಕರರಿಗೆ ಸ್ವಯಂ ನಿವೃತ್ತಿ ಯೋಜನೆ (ವಿಆರ್‌ಎಸ್‌) ಜಾರಿಗೊಳಿಸುವ ಸಾಧ್ಯತೆ ಇದೆ.

‘ಆಕರ್ಷಕವಾದ ವಿಆರ್‌ಎಸ್‌ ಯೋಜನೆ ಜಾರಿಗೆ ತಂದರೆ ಈ ಬ್ಯಾಂಕ್‌ಗಳಲ್ಲಿನ ನೌಕರರ ಸಂಖ್ಯೆ ಕಡಿಮೆ ಆಗುತ್ತದೆ, ಖಾಸಗಿಯವರಿಗೆ ಖರೀದಿಗೆ ಸರಿಹೊಂದುವಂತೆ ಆಗುತ್ತದೆ’ ಎಂದು ಮೂಲಗಳು ಹೇಳಿವೆ.

ಸೆಂಟ್ರಲ್ ಬ್ಯಾಂಕ್ ಆಫ್ ಇಂಡಿಯಾ, ಇಂಡಿಯನ್ ಓವರ್‌ಸೀಸ್‌ ಬ್ಯಾಂಕ್, ಬ್ಯಾಂಕ್ ಆಫ್ ಮಹಾರಾಷ್ಟ್ರ ಹಾಗೂ ಬ್ಯಾಂಕ್ ಆಫ್‌ ಇಂಡಿಯಾವನ್ನು ಖಾಸಗೀಕರಣಕ್ಕೆ ಪರಿಗಣಿಸುವ ಸಾಧ್ಯತೆ ಇದೆ.