ಟಾಟಾ ವಾಹನಗಳ ಬೆಲೆ ಏರಿಕೆ

ನವದೆಹಲಿ: ಬುಧವಾರದಿಂದ ಜಾರಿಗೆ ಬರುವಂತೆ ತನ್ನ ಪ್ರಯಾಣಿಕ ವಾಹನಗಳ ಬೆಲೆಯನ್ನು ಸರಾಸರಿ ಶೇಕಡ 0.9ರಷ್ಟು ಹೆಚ್ಚಿಸಲಾಗುವುದು ಎಂದು ಟಾಟಾ ಮೋಟರ್ಸ್ ಮಂಗಳವಾರ ತಿಳಿಸಿದೆ. ಕಚ್ಚಾ ವಸ್ತುಗಳ ಬೆಲೆಯಲ್ಲಿ ಏರಿಕೆಆಗಿರುವ ಕಾರಣ ಈ ತೀರ್ಮಾನ ಕೈಗೊಳ್ಳಲಾಗಿದೆ ಎಂದು ಕಂಪನಿ ಹೇಳಿದೆ.

ಮಾದರಿಯಿಂದ ಮಾದರಿಗೆಬೆಲೆ ಹೆಚ್ಚಳದಲ್ಲಿ ವ್ಯತ್ಯಾಸ ಇರಲಿದೆ. ಕೆಲವು ಮಾದರಿಗಳ ಮೇಲಿನ ಬೆಲೆಯನ್ನು ಕಂಪನಿಯು ₹ 10 ಸಾವಿರದವರೆಗೆ ಇಳಿಕೆ ಕೂಡ ಮಾಡಲಿದೆ.

ಜನವರಿ 18ಕ್ಕಿಂತಲೂ ಮೊದಲು ಕಾರು ಬುಕ್ ಮಾಡಿದ್ದರೆ, ಬೆಲೆ ಹೆಚ್ಚಳವು ಅದಕ್ಕೆ ಅನ್ವಯ ಆಗುವುದಿಲ್ಲ. ಮಾರುತಿ ಸುಜುಕಿ ಕಂಪನಿಯು ತನ್ನ ಕಾರುಗಳ ಬೆಲೆಯನ್ನು ಹಿಂದಿನ ವಾರ ಗರಿಷ್ಠ ಶೇ 4.3ರವರೆಗೆ ಹೆಚ್ಚಿಸಿದೆ.